Avene

維Cg抗氧淡斑精華

多謝@cosme 同Avene提供試用。

呢枝抗氧淡斑精華既延緩老化功效好好，用完有覺得皮膚柔軟度提升，搽面既時候摸到自己塊面白白滑滑左，提亮效果亦都明顯。顴骨位置有堆斑，用左十幾日覺得有稍為變淡少少，效果暫時未算好顯著會繼續用落去。

之前試過早c晚a，雖然都有提亮效果但係太高刺激性，而且維c好快氧化變黃。呢枝暫時開左十幾日都冇變色，符合維Cg相對穩定既說法。Avene一向sell敏感肌適用，呢枝雖然係有維Cg既功能性精華，但係就算甩緊皮既時候用都唔覺"嗱"，夠溫和。

可能因為定位係淡斑抗皺，冬天乾燥的確搽完覺得唔太夠水潤。皮膚偏乾既話可以先用極速保濕水漾精華打底，保護滋潤左皮膚先，再用呢枝維Cg做亮白效果，感覺更加温和舒適。

不足之處係質地比較黏稠，用完之後再上粉底液會有搓泥既情況。我會揀朝早淨用保濕精華，夜晚就保濕完再維Cg。