Avene

維Cg抗氧淡斑精華

本人膚質混合性偏乾，比較容易敏感，膚色唔均勻有痘印。感謝@Cosme 邀請我參與試用活動。

樽身係玻璃樽，用滴管設計。聞落去有淡淡香味，真係非常之輕微嘅香味，呢點非常之好，因為我同樣有鼻敏感，對於好香嘅護膚品係好抗拒。

我嘅護膚流程係化妝水>眼霜>精華>日霜/夜霜>防曬

精華水狀質地有少少黏似jelly，容易推開流動性強，搽上面好容易吸收，感覺清爽唔會有黏笠感。

一開始用有少少刺刺的感覺，但無紅無敏感，可能皮膚太乾，連續用五日之後就無左呢種感覺。真係感受到痘印有明顯淡化，膚色都變得均勻咗好多。

呢款精華嘅配方真係好特別，對我呢個敏感肌膚嘅人來講好放心。市面上好多美白產品用咗都會刺激，成日一用就紅腫一撻撻，但呢支淡斑精華完全冇呢啲問題，仲可以有效對抗肌膚暗沉，真係好開心。

之後我仲連同佢嘅「極速保濕水漾精華」疊加用，效果幾好。我嘅護膚流程係先用保濕精華打底，再用美白精華，用完之後發現皮膚上妝時更加貼服，毛孔就咁睇無明顯分別但皮膚睇落同摸落都光滑咗😆，影相時都明顯有光澤啲。

總括來講，如果係敏感肌，想改善痘印或者提亮膚色，係值得推薦的～