PANTENE

PRO-V 爆水珠珠髮膜 (強韌防斷)

首先多謝Cosme選中試用Pantene爆水珠珠髮膜。入面是一盒一粒(如圖)，方便攜帶使用，如果去旅行，我覺得好方便﹗

本人髮質：幼細﹑易斷﹑有漂染﹑易出油。
洗頭前，下段髮質👇🏻👇🏻 漂染部份 非常乾旱及易打結。
質地及觸感: 質地豐盈，不會過份黏笠，與一般髮膜差吾多。
搽了髮膜的頭髮👇🏻氣味：淡淡的味道，個人覺得不太像玫瑰味，或者係人造玫瑰味吧~ 不難聞的，但不是天然玫瑰香氣，洗後頭髮也留有淡淡人造玫瑰味。

用後感：猜想不到用後頗有感覺，觸感不錯，但估吾到用在髮絲上絕對做到護髮效果，用左2次之後，開始感覺到笠添啊，我覺得呢款岩乾燥天氣及乾旱頭髮使用，一定很有感﹗如果本身易油頭的人，真係只能用在受損髮絲上，不好全頭用，否則用完會有種笠笠油油感。

另外因為有漂染，頭髮成日打結，用左髮膜之後，吹頭前梳頭都容易左，呢點好讚﹗👍🏻

用後👇🏻 貼服左好多👍🏻👍🏻本來想跟指示連續用7天，不過一向髮膜都吾可以日日用，會令到髮絲吸收吾切過度的營養，所以我連續用了2天後，覺得頭髮用到開始笠，加上天氣潮濕，真的不可能日日用啊~~

呢款髮膜可以每個星期用一次，我諗都足夠令到受損秀髮復原，除非是非常乾燥毛燥，否則無須連續使用呢﹗

附上質感圖及用後吹頭後的圖片以供參考，總括來說，也會自費購買，間吾中轉下髮膜都會考慮這款。