NARS

Light Reflecting™原生光亮肌精華氣墊粉底 SPF 50+/PA++

好多謝@cosme抽中我試用nars light reflecting原生光亮肌精華氣墊粉， 粉底蘊含 73%護膚成分及96%天然萃取成分， 屬於精華配方粉底， 配方蘊含三重維他命c亮白複合物 結合三種水果萃取成分， 充分發揮長期使用維他命c的功效。
我抽中嘅係Deauville呢隻色， 呢隻色就咁望落去都幾黃， 不過搽開後又神奇地白咗一度至一度半， 我自己膚色唔係特別白， 比較偏黃同暗啞， 所以抽中呢隻色都啱用， 搽出嚟係自然效果冇提亮膚色。

☝🏻圖1呢個係護膚後上妝前皮膚狀態， 剛巧皮膚敏感爆瘡， 毛孔粗大皮膚蠟黃😮‍💨


☝🏻圖2呢個係上氣墊粉後碎粉定妝前効果， 可以見到有低調自然光澤感， 遮瑕度可降低皮膚發紅及暗瘡紅印，但不能完全遮蓋暗瘡印， 不嚴重黑眼圈亦可遮蓋七八成而無須另加遮瑕膏👍🏻


☝🏻 圖3剛上碎粉定妝後效果， 光澤度進一步減低，如改用定妝噴霧相信能保持光澤度。


☝🏻圖4只有底妝加碎粉不加遮暇帶妝7小時後情況，期間無補妝無吸油並帶妝運動1個多小時，運動期間曾大量出汗🥵

📢最後總結，我本身皮膚屬於混合性偏乾，此氣墊粉質感較厚，但亦能輕易用海綿打薄不顯厚妝， 遮瑕度屬於中等， 能遮蓋輕微發紅及不嚴重黑眼圈，光澤度屬於自然低調，持久度屬於中上， 不補妝不吸油大量出汗後沒有脫妝溶妝亦沒有氧化變暗。