Dermacept

幹細胞緊緻化妝水 (第2代)

感謝@cosme抽中我試用Dermacept幹細胞 緊緻化妝水及幹細胞緊緻乳液。

我自己皮膚屬於混合性偏乾， 喺3月份呢種突然凍突然熱咁唔穩定嘅天氣底下，仲出現少少皮膚敏感嘅情況，面頰起紅印

我用呢套產品代替我平時自己用開嘅爽膚水同面霜，大概用咗兩個多星期，先講一講產品質地如何
～化妝水質地有少少潤身，流動比較慢，搽上面滋潤到皮膚又唔笠，而且好快滲入皮膚，佢既花香亦令搽上面嘅感覺好舒服好放鬆
～緊緻乳液，就咁聽個名好似好笠咁，實際用上面係嗰種潤而不笠嘅感覺，完全感覺到佢滋潤到皮膚，又係好快滲到入皮膚，吸收完唔會滿面油，Good👍🏻

暫時用咗兩個多星期咁短嘅時間，就未睇到緊緻效果，不過佢就幫我退去面頰敏感泛紅既情況，而且用左之後塊面無咁暗啞，幫到皮膚去黃，總體感覺我都幾鐘意，潤而不笠，滋潤到 皮膚而且吸收得好好，會考慮買正貨。