BOBBI BROWN

晶鑽漾色盈潤唇膏

好開心第一次收到試用，Bobbi Brown呢款潤唇膏色號係681 Nude Petal，係自然嘅粉紅色，啱晒我呢D平日只化簡單日常妝嘅人用，另外幾欣賞佢簡單無印風設計，尤其個蓋拍得好實，袋出街唔驚甩蓋。(圖一)

我係乾唇有明顯唇紋(圖二)，呢款潤唇膏質地好潤，搽上嘴都好順滑，下面(圖三)見到我薄薄搽一層，已顯淡淡粉紅色，而且唇紋減淡唔少，個唇仲要有光澤同飽滿左。
(圖二)
(圖三)


呢款比一般潤唇膏都潤好多,平時我要搽其他潤唇膏至少兩層先有呢個效果，如果想效果再出，可再搽多層，下面(圖四)係用呢款潤唇膏我搽左總共兩層後嘅樣，颜色更深同顯色，光澤感更突出，完全可遮蓋唇紋，個唇立體同豐盈左好多，搽左兩層都無厚重感或唔舒服，只覺有薄薄嘅滋潤感係嘴度，而且隻色真係好靚又自然仲好百搭，好滿意，我會keep住日常用。(圖四)