ARMANI Beauty

Power Fabric Pro 專業柔霧持妝粉底液

今次係收到cosme嘅試用邀請。雖然機會難得，好幸運中獎，但我都係會實話實說。先講明個人皮膚係油肌，表面瑕疵都係好深嘅黑眼圈、痘印和小粉刺，妝前亦有做好保濕。粉底液係以粉撲上妝的。

首先，從膚感上中規中矩，有一定遮瑕力，所以不算輕薄。幾有趣嘅係，即使未定妝都呈現一種霧感，並且好快成膜。更加神奇嘅係，雖然表面有霧狀嘅粉感，但係又可以透出微微光澤。正值冬天，當日天氣亦都乾燥，全日帶妝十個鐘之後，0補妝，但卡粉問題不嚴重。出油之後反而更加靚。持妝能力都很好。

其次要講缺點，睇相都好明顯。我面上嘅痘印只係遮到六成，黑眼圈就更加唔使講。所以想透過粉底液就做到遮瑕八九成嘅人，可以唔使考慮。不過相係因為zoom近，外加iphone自動銳化睇落有少少恐怖，但朋友喺現實睇都覺得皮膚好好咁。所以輕微瑕疵嘅人絕對可以選擇呢隻粉底。