ARMANI Beauty

Power Fabric Pro 專業柔霧持妝粉底液

一到春天，我就會變成混合性偏油膚質，皮膚易乾得黎又會一焗就出油，Armani新版的Power Fabric Pro專業柔霧持妝粉底液就最啱呢種天氣用 ，睇名就知支粉底主打霧面妝感同埋持妝，所以未用之前都有擔心過皮膚會乾、或者粉底會好厚，但用後真係覺得好有驚喜，有遮瑕都得黎感覺輕薄透氣，可以遮蓋毛孔瑕疵，令膚質更加平滑，另外仲有維他命B3配合洋甘菊萃取，化妝同時修護肌膚， 難怪紅標粉底咁紅。粉底上手流動性不高，但容易 延展 推開

上妝後即時效果：
即時提亮皮膚，平滑柔焦 毛孔 ，遮瑕度中高 上妝數小時後效果由於燈光環境唔一樣，所以膚色稍為唔同，但整體而言 ，上妝8小時後接近無氧化，香港春天濕度極高， 輕微出入油好正常，但粉底未有班駁移位，皮膚亦無明顯乾紋，印走油光後，底妝仍然細緻輕透，變回清爽不黏笠感覺 。

最令人驚艷既係戴口罩工作半日後，口罩上幾乎沒有脫妝！其他專櫃牌子都未必做到😍 推薦這支粉底給所有皮膚乾但一焗就會出油的姊妹！