ARMANI Beauty

Power Fabric Pro 專業柔霧持妝粉底液

多謝@cosme同 Armani Beauty抽中我試用呢枝Power Fabric Pro專業柔霧持妝粉底液，我本身係混合肌，T字位容易出油，所以好想解決出街會面泛油光嘅問題。

第一次試呢款粉底液嘅液轉粉技術,一開始拍上面之後好快就變成柔霧粉狀,以為會好乾，過多陣妝容就變得貼服而且冇啱啱搽上面咁乾，如果天氣乾燥保濕功夫做足都OK吾會甩皮，完全冇笠嘅感覺，摸上去好似已經上咗碎粉咁，令我吾洗好似以往咁上太多粉去吸油。

呢款粉底液質地輕盈易推開，遮瑕力相當出包，推開薄薄一層就已經可以遮到毛孔，完全吾會假面或者好厚粉嘅感覺，妝感自然舒服，柔霧嘅妝感好高級，帶有一種低調嘅光澤感。

上妝前：上妝後:8小時後:
佢嘅持妝效果令我幾驚喜，帶妝全日都吾會氧化或者暗沉，而且吸油效果好好，好適合春夏使用，令妝容全日都保持清爽乾淨，吾會局住呢皮膚，試咗一星期後都冇生痘痘嘅問題。