ARMANI Beauty

Power Fabric Pro 專業柔霧持妝粉底液

多謝cosme抽中我試Armani Beauty嘅粉底液，好開心！今次試嘅係Power Fabric Pro 專業柔霧持妝粉底液，色號係 3.5，屬於自然粉調色。
我皮膚屬於混合偏油肌，T字位容易出油，兩頰泛紅，瑕疵痘印都特別多，眼底鼻翼嘴角都有明顯嘅暗沉。天氣熱會好大汗…粉底唧上手流動性唔高，容易推開，亦都感覺到質感上嘅轉變，由液體變咗做粉類乾爽嘅感覺，好得意。平時化妝手腳都比較慢，armani上面唔會好快乾左，可以慢慢推開，局部上底妝就唔驚化到一忽忽👍🏻粉底上面顏色好match，只係薄薄上左一層，啲暗沉泛紅痘印黑眼圈竟然遮到哂，深色痘印就差啲，但遮瑕度都係有驚喜！！皮膚望落平滑左，毛孔變得唔明顯，但亦唔會放大咗凹凸洞嘅存在! 妝感霧面，有質感之餘好自然好靚，唔會做左粉樣！
上面感覺舒適，透氣之餘亦都係乾爽嘅。試左幾次，用卜上妝遮瑕度會高啲，粉底消耗量亦都會高啲。如果用手指印上面再用卜拍開，妝感相對更清透自然，但遮瑕力亦都係有嘅，粉底仲用少左，可以再用耐啲🤪🫶

早幾日天氣乾爽，冇上碎粉定妝就出街，底妝都係維持到同冇氧化，唔會黐笠笠，出咗少少油之後妝感再靚啲，有輕微光澤。出左汗，同用紙巾印完油都係甩少少，不過都keep到！不過嚟緊入春又準備夏天，都係定返妝穩陣啲😂😂😂總結而言，好滿意呢個粉底！