LANCÔME

Genifique 升級版嫩肌活膚精華 (小黑瓶)

多謝Cosme抽中我試用Lancome小黑瓶～
今次係連同第二代極光水一齊試用～
最近皮膚係混合偏油肌，去到中午T位已經泛油，收工更係油到煎到蛋！毛孔大，皮膚暗沉，黑頭暗粒出哂黎，好粗糙……🥲

用左一星期極光水之後，雖然皮膚泛油問題有明顯改善，皮膚透亮同毛孔細緻左，但係用耐左就感受到皮膚好乾要飲水，上粉時見到鼻樑位起哂皮屑，反映左使用極光水後護膚要加強保濕。

根據cosme/品牌建議，第二星期開始連同小黑瓶一齊試用。小黑瓶質感厚得黎流動性高，聞落無香料，上面後即時感覺皮膚飲緊水，舒緩左極光水帶黎嘅乾，舒服！上面後吸收快，感覺清爽但皮膚仍然感受到一定滋潤度。兩者一齊用左接近一星期，皮膚冇咁乾，少左起乾皮，中途亦都冇起敏感或暗瘡，膚況穩定，皮膚摸落好柔軟嫩滑，望落好好氣息！ 不過對比起極光水明顯控油同收毛孔功效，小黑瓶嘅煥膚表現可以話冇咁突出，不過不失啦😂