SOFINA iP

亮肌抗斑護膚防曬乳霜 SPF50+ PA++++

首先感謝cosme邀請試用。我試用嘅係03號嘅防曬乳霜，佢係有SPF50+ PA+++，UVA 同UVB都可以阻隔

佢抗氧同抑制黑色素、防止色斑雀斑嘅功能試用時間短暫時未體驗到，用長少少時間再來update。而本身我自己用防曬最在意嘅功能就係唔好同後續嘅化妝品打交，即係唔好起擦膠碎，如果唔係朝早落妝再化妝係非常嘥時間，試用以來暫時呢一款防曬乳霜都冇同我自己用緊嘅化妝品打交，同埋佢本身顏色都唔係純白色嘅，係有少少米白咁嘅顏色，推開咗之後其實都好快吸收，塊面有一定嘅保濕度，同埋佢都提亮到膚色，唔使再用其他primer。

我本身係混合性偏乾性肌膚，佢好夠保濕，一整日落來到收工都無脫妝，鼻翼位都出少咗油，呢點係有啲驚喜。