SOFINA iP

角質層修護滋潤晚霜

感謝@cosme 邀請試用。

其實佢呢個系列都係透過去滲透同修護角質層去幫你做到保水、強化肌底、從而令後續護膚品嘅營養得到吸收，去改善你嘅肌膚各種問題

呢個晚霜係幾樣產品入面屬於最滋潤嘅產品，如果係冬天用其實成個系列由第一步嘅美容液到第二部嘅修護凝露直接用到晚霜都係無問題。但而家已經進入春夏嘅時期，所以如果要用呢個晚霜，油肌嘅朋友仔建議第二步嘅化妝水可以減少一半用量

如果單獨使用，都要用多少少時間按摩俾佢吸收，混合乾肌來講吸收完唔會好厚重，皮膚即時感到滋潤。平時夜晚用完朝早洗面嘅時候其實仲感覺到有少少晚霜嘅殘留，但洗完面之後，會感覺護膚品係有吸收到，塊面過咗一晚仲係保濕同柔嫩。