購買資訊

🌸 Yves Rocher 金蓮花亮肌精華 呢排好想美白／提亮膚色，咁岩手邊有Yves Rocher 嘅金蓮花亮肌精華既試用裝即刻開黎用下！ 老實講，因為暫時只係用咗短短幾日，如果依家就同大家講「好有效果、變白咗」咁就肯定係呃人嘅 😂，不過佢嘅初步使用感真係幾驚喜： 💧 膚感超好，無負擔： 上臉之後非常清爽，吸收得極快！完全唔會黏黏笠笠，質地好輕盈，做夏秋季節嘅第一道精華或者疊加其他護膚品都完全無壓力。 🍓唔刺激： 我呢排成日生痘同面部泛紅，所以試新既美白精華其實有D驚！ 不過用落冇咩特別野發生🤍🤍 🌿 淡淡草本香，好治癒： 佢帶有 Yves Rocher 家族一貫嘅植物草本香氣，搽上臉嗰陣好舒服，有種做 Spa 嘅放鬆感。 🔍 效果觀望中： 雖然呢幾日膚感體驗唔錯，但始終美白提亮係長期抗戰。等我係cosme 睇多啲其他網民嘅真實 Comment，用完一整支之後嘅續航力同口碑點樣～ 【初步小總結 📝】 對於追求「膚感清爽、不黏笠」嘅人嚟講，佢第一印象係合格有餘嘅！考慮回購！ #火熱新品

🌼 YVES ROCHER 金蓮花亮肌精華 正常 未到好有效果 真實用後感・唔吹捧 ✅ 正常 質地係ok嘅，輕盈唔笠， 用完之後皮膚有保濕到， 唔會敏感，唔會出粒粒。 以一支精華嚟講，佢係合格嘅。 ✅ 天然成分 97%天然成分，植萃維他命C， 用嘅時候感覺安心。 敏感肌都應該用得。 ⚠️ 未到好有效果 官方話「+78%瞬間亮肌」、 「4週後紋理更細緻、細紋被撫平」， 但我用咗幾支細支裝， 都未覺得皮膚有明顯變細緻。 亮肌效果：有少少，但唔明顯。 細紋改善：未見到。 膚質細緻：未feel到。 唔係話佢差， 但係冇官方講到咁神奇。 💡 總結： 呢支精華係「正常」嘅。 用完唔會敏感，有基本保濕， 但唔好期望佢會令你皮膚有明顯轉變。 如果你追求「好有效果」， 呢支可能會令你失望。 #YVESROCHER #金蓮花亮肌精華 #真實用後感 #正常 #未到好有效果 #唔吹捧 #天然成分 #溫和精華 #亮肌精華 #skincare #hkbeauty #火熱新品 #新品

Yves Rocher金連花亮肌精華，呢個牌子用過佢嘅頭髮產品，護膚產品就第一次使用。 質地係屬於好清爽類別嘅精華，輕盈，推開之後，吸收得好快，一啲都唔笠身。成份方面97%天然成分，植萃維他命C，即使敏感皮膚都可以使用。用完之後皮膚冇特別反應。 佢係屬於一支美白精華，而且係一支敏感性皮膚都用得嘅美白精華，所以相對嚟講精華係好溫和，用完之後美白嘅反應唔會過快，反而係有令皮膚有明亮感覺。去皺紋嘅感覺就不見。 如果係想平穩，見到皮膚膚色均勻，咁就適合使用。 #火熱新品