購買資訊

基於自己皮膚喺夏天相對多油，刻意今年搵一啲專攻油性皮膚嘅精華使用，呢支煙酰胺精華，正正就係好多人分享針對油性皮膚、出出皮膚、暗瘡肌使用，主打收毛孔，平衡皮膚油脂。 第一次使用佢有少少驚訝，因為冇諗過佢會帶嚟輕微刺痛感覺，一向都係使用酸類產品或者A醇先會出現呢類情況，不過佢嘅刺痛感唔算太誇張， 1分鐘之內就會完全消退。使用完，即時會見到皮膚有膨脹，吸收咗水份，所以肌膚光澤會有所提升。 使用大約半個月時間，其實我都唔期望塗抹精華可以幫助到收縮毛孔，所以的確收毛孔效果唔太明顯。不過喺平衡油脂方面，略見功效，早上只用佢，午間出油情況略見減少。 雖然一用完，保濕成份會令到皮膚整體亮度提升，但保濕持久力中規中矩，但我認為佢同品牌嘅其他保濕精華，效果會更加卓越。

我想講呢枝嘢我係work㗎喎😳暗瘡印完全去曬，個效果嚇咗我一跳，價錢親民，又有效果，真心推👍🏻 嚟姨媽前或食熱氣嘢嗰排都會生暗瘡，我係會用手擠嘅人，之後再貼暗瘡貼，但啲暗瘡印真係令我好頭痕，屎窟痕見呢枝嘢平就買嚟試下，我都有買呢隻牌子嘅其他產品試，覺得呢個牌子啲嘢以呢個價錢嚟講算唔差，當然有麻麻地嘅產品，例如咖啡因眼精華嗰枝嘢，用咗2枝都冇效果，但我朋友成功去到黑眼圈🥲激死我。 呢枝嘢話收毛孔就唔多覺佢表現凸出🤔但袪痘印就好得，所以我一枝都用好耐😂主要重點搽痘印。 質地同其他網民形容嘅一樣，有啲似膠水，吸收好快，吸收咗就好似有塊膜喺度嘅感覺。😂

呢支親民價錢嘅精華，用咗一支後覺得面嘅暗瘡印有淡到，而且皮膚「透明感」有改善，質地清爽容易吸收，非常適合夏天，如果皮膚有瑕疵嘅地方可以重點查，可以幫助去印，值得推薦 # 「透明感」 #去暗瘡印 #去黃