BOURJOIS 妙巴黎

果療精華啫喱

一直都好喜歡呢個牌子嘅產品，尤其是係佢嘅粉底，真係開架中最啱乾肌嘅牌子！所以果時一出就即刻買咗（果個年代喺朗豪坊仲有counter）（暴露年齡）
呢支粉底係屬於精華粉底果種，所以本身遮瑕度都低。佢嘅妝感透薄到甚至可以用嚟做有色底霜…
不過如果本身瑕疵唔多，只要用手指上妝個遮瑕度都夠嘅，均勻到膚色亦可以令膚質睇上去更健康，有微微光澤感。毛孔大概可以遮到八成，以咁薄嘅底妝來講算不錯了。
持久度方面都唔太差，雖然佢保濕度高但質地並不太油，只要喺易出油嘅地方做好定妝，可以大半日唔駛補。
不過呢款粉底偏深色，平時用同牌子開52號但呢款要用51先得，揀色果陣要小心啲試。