Melvita

有機堅果油

30歲前，都好怕用「油類」嘅產品，好怕用完生粒粒

但踏入3字頭，搽完咩精華，第二朝都好似冇曬，甚至唔夠⋯

Melvita呢款「有機堅果油」就係我近年嘅至愛，皆因佢咩年紀都啱用，仲全身上下、面定頭髮都用得！

睇相都見到佢唔係好輕盈質地嘅油，搽完佢，好似lock🔒住肌膚水分同精華咁，唔再流失⋯

有時小腿皮膚太乾，起「蛇紋」，滴「兩滴」係手，已經夠曬搽勻兩隻小腿，啲乾紋頓時消失，唔再怕訓訓下，乾到痕！

如果未接受到用油嘅朋友，可以將佢加入用開嘅cream度，就都做雙倍補水嘅效果！
不過我最愛係佢100% 有機成分，用完唔會塞毛孔同生粒粒，啱曬追求天然成分嘅我！

「最最最重要」係佢材料來源自乎合「公平交易」嘅摩洛哥婦女合作社，仲以可持續的耕作方法同保護環境！呢個都係我大愛呢個品牌嘅原因！
因為我相信「心善則美」，用天然/有機嘅產品對皮膚都好啲！