INNISFREE

綠茶平衡爽膚水

當初見佢有分肌膚性質而吸引
腦波弱走去買曬balancing既化妝水 lotion cream😂
佢既質地係比一般化妝水杰啲
搽上手一開頭會感覺到有啲lum
當初以為佢係一枝滋潤啲既化妝水
所以夏天怕會lum就冇用到

之前香港轉緊季既時候用緊無印清爽化妝水
朝早護膚後 晏就發覺有ddd痕 有啲唔夠保濕
所以就想試下用下佢
雖然佢質地係杰身 但好快就會吸收左
其實佢都算係一款清爽型既化妝水
對後續保養係冇咩負擔
因為轉季先至用 唔知夏天會唔會覺得lum🤔
而保濕度既話比無印清爽化妝水好啲啲

本身我唔想搽太多野上面
朝早洗完面只會用化妝水+ lotion/cream
夜晚先會搽佢地既green tea seed serum
雖然用左佢之後塊面朝早冇再有痕既感覺
用完皮膚都係有啲暗啞
轉季/冬天單用既話都唔夠保濕
都係要加返精華先至夠
所以最後夜晚先至用佢

至於使用方法我比較建議用薄既化妝棉上面
咁係最慳用😂
我試過跟佢使用方法就咁用手抹
不過未抹曬成塊面就已經吸收曬
之後搽啲比較質地厚既cream會好難推
用得太厚既化妝棉就要倒好多先至得

整體黎講 其實都幾好用幾抵用
係一個幾好既保濕型化妝水
至少佢冇令到我亂生野
不過innisfree本身既product都有加香料
至少要搵同類型 差不多價位既化妝水都唔難
作為一個成份控 再回購就未必會了～
-
2021.03 update
天氣熱...尼枝野真係唔太岩用
最近天氣大概21,22度左右
有啲涼涼地未算太熱
上完面再搽cream又唔太覺得話好lum
但就搞到鼻附近成日生粉刺😰
可能質地厚身比較焗
轉返爽啲既toner就即刻無事～