BIODERMA 貝膚黛瑪

深層卸妝潔膚水

由我岩岩開始學化妝用到宜家嘅卸妝水！試咗好多卸妝水都係覺得佢最好用！卸得好乾淨，粉底同好多彩妝例如胭脂、修容、眼影靠佢就夠曬！圖片中可見，將卸妝水倒落化妝棉後，來回抹2次，除左matte身既唇膏之外，其他化妝品係皮膚表面已經大致卸乾淨，而淨番既唇膏印就要再另外來回抹多5次先卸乾淨，所以防水眼線、睫毛液或者比較持久既唇膏建議用番眼唇卸妝液。

好保濕，有時一到夜晚番左屋企鐘意即刻落妝減低化妝品停留係皮膚既時間，降低化妝對皮膚既傷害，但之後要落街食野未洗面未搽番護膚品都唔會覺得皮膚繃緊！

唔好睇佢幾保濕，以為會有殘留感或者痴笠笠，其實佢好清爽架！仲係敏感肌都用得，我記得佢仲有出旅行裝，細細支帶去旅行都方便d!