SK-II

護膚精華 (神仙水)

感謝收到@cosme的試用品。護膚精華 (神仙水)真係由細聽到大，但都係廣告多，實際身邊冇乜朋友用。

今次有機會試用，首先佢本身有啲酒味咁，真係一啲都吾香，不過用多幾次後會慢慢適應佢陣味，但都係會用怪味黎形容，吾多想吸入。

質地上係稀身，產品介紹話用幾滴就按全臉，但我用幾滴係完全吾夠全臉用就已經吸晒。所以要幾滴又再幾滴。咁佢又真係吸得幾快，同吾會痴立立，質地真係吾錯。但又冇覺得特別保濕之類。

連續用左個幾星期後，左額頭出左一堆暗粒，用多一日到右邊都有，所以就停左吾敢用。網上都有吾少評論話佢重酒精好易敏感。佢本身原理就係米發酵，所以會有酒精出現？我就吾係好知佢當自己天然酒精定點。不過由於仲有好大支，等啲暗粒退後都可以再試多次。