REVLON 露華濃

持久無瑕水潤粉底液

我用嘅係透明蓋嘅水潤款，
呢款粉底液喺網上毀譽參半，
有人話佢好厚妝感有人讚佢好清透，
個人認為佢喺啱啱搽上時的確係較厚重，
我自己通常會用密毛嘅底妝掃盡量推開，
等塊臉慢慢出油之後妝感就會開始變得清透。
佢遮瑕度唔錯可以遮到大部分痘印，
唔會暗沉或致痘，
仲要係冇添加香精令人用得安心。
缺點係個泵頭好易卡住對上一次擠剩嘅結塊，
感覺唔係太好 😂
但整體嚟講係非常值得推薦！