KOSE 雪肌精

藥用雪肌精美白化妝水(滋潤版)

用過佢嘅清爽版同滋潤版，
個人比較鐘意滋潤版，
先講吓佢哋嘅共通點：
乳白色；
有雪肌精一貫嘅花香味；
同埋主要訴求都係美白。
而差異就有：
滋潤款比較黏、酒精味較淡、吸收比較慢。
清爽版好明顯係比滋潤版更易吸收，
但亦都好快就會從皮膚表面揮發，
難以對膚質起到改善嘅效果；
相對地滋潤版就可以畀我慢慢按摩吸收，
仲可以留喺皮膚表面耐啲，
幫助後續嘅精華/乳液/面霜更容易搽勻同滲透。
用耐咗之後覺得皮膚泛紅少咗、膚色透亮咗，
暫時冇爆痘或者敏感嘅不良反應，
會考慮回購！