Kiehl's

牛油果眼霜

早排換領咗呢款眼霜嘅試用裝，
今日終於攞出嚟用～
佢係淺綠色嘅乳霜狀，
摸上手偏乾所以配合保濕護膚品同按摩使用會更容易被皮膚吸收，
搽上眼週時要小心，
一個心急大力得滯就隨時會增生眼紋，
雖然偏乾質地較難按摩，
但吸收速度又算幾快喎！
我嘅眼部問題主要係黑眼圈、預防眼皮皺紋同消滅眼下陳年乾紋，
其實試用都好難睇到啲咩效果，
但呢款眼霜嘅滋潤度都唔錯，
搽前（第一張相）同搽後（第二張相）相比，
眼下乾紋（白色箭嘴）都有馬上紓緩嘅效果，
雖然唔算好明顯，
但相信長期使用嘅話應該會有更好嘅修護表現。
會考慮買正貨裝嚟用。

—— 13/3 更新 ——
用咗幾日後發現呢款眼霜有個明顯弊病，
就係將佢同眼部精華一齊搽嘅話，
會極難按摩到吸收！
打圈按摩到手都攰都仲有好多係吸收唔到，
黑眼圈都變白眼圈 😂
而且佢都有少少「乸」眼，
刺痛感頗為明顯，
所以評分由本來嘅五粒星下降至三粒星，
唔推薦！