Kiehl's

醫學維C淡斑精華

好多謝@cosme 和@ Kiehl's 俾我今次試用Kiehl's 醫學維C淡斑精華 (安白精華)嘅機會！🙇‍♀️🫶🏻

Kiehl's 醫學維C淡斑精華嘅外型簡潔帶點high tech嘅感覺，主要係以白色為主調，係全透明嘅玻璃樽設計，加上利用滴管設計，可以嚴格控制使用分量，避免浪費，而且用起上嚟就更加方便乾淨，唔會倒瀉倒到周圍都係！💪🏻

至於質地方面，Kiehl's 醫學維C淡斑精華呢款精華透明水狀嘅質地，滲透度超級高，肌膚好快就吸收咗，用完之後肌膚都唔會覺得黏笠，不油不膩，反而有啲水潤嘅感覺，滋潤度恰到好處，一年四季都適合使用。🥳

根據官方，Kiehl's 醫學維C淡斑精華有6大功效，有效細緻膚質、減淡色斑、痘印泛紅、均淨膚色、去黃氣暗沉及提亮剔透，透出膠原感玻璃肌！而且配合專利成份玻色因促進膠原蛋白新生，強化肌底膠原網絡，肌膚更剔透彈嫩有光澤。🥰

用咗大概兩星期，每次用三至四滴左右嘅份量就足夠搽勻全面，真係有啲驚喜，發現皮膚明顯比兩星期前更有光澤，膚色回復均勻，去黃嘅效果顯著，而且改善毛孔堵塞，令毛孔收細，並重回淨白透亮狀態，就好似剝殼雞蛋咁細緻光滑！至於淡斑方面，我以點塗方式重點使用於色斑位置，以加強淡斑效果。可能我啲雀斑有啲深色，又唔係好覺有改變，但係暗瘡印就有顯著嘅改善，明顯淡色左！🙌🏻

另外，仲有一個特點，就係Kiehl's 醫學維C淡斑精華蘊含高穩定性活性維他命C，5重對抗黑色素，有效中和、抑制、分解、截擊及預防黑色素。正因為有高穩定性活性維他命C嘅存在，呢款美白精華有別於一般坊間嘅普通美白精華，唔會有吸光嘅反應，所以日頭都一樣用得，早晚使用效果更佳！😍

最緊要係適合敏感肌，內含皮膚科醫生認證醫學級成份，保濕溫和配方，又不含Parabens防腐劑、礦物油、色素，唔會讓肌膚造成任何負擔，咁就用得放心又安心啦！❤️