Phoebe Lam好用推薦： 我這次買的色號是EX-4，是在日本cosme買的，在日本的價錢非常吸引。一個價錢有三種色調，可以根據自己當天心情用不同的深淺度。粉盒的設計很好，體積又小，方便携帶。另外這個眉粉有補充裝，可以買齊不同色號，非常推薦。

Ruby Wong好用推薦：本身偏愛用眉粉，KATE TOKYO 3D造型眉彩餅雖然上架多年,但仍然是我必回購的items之一！ 霧感的色彩便於打造自然妝容,有時不想化全妝,輕輕掃幾下便有好氣息，而且它有三種不同深淺的啡，亦便於配合不同妝容。 今次cosme開岀的題目#岀國必備美妝，我望著化妝枱，首選肯定是它啦～ 其實除了岀國，它長期也在我的化妝袋入面。因為它體積小巧而且多功能，除了深色可畫眉，我會用較淺的兩隻色來化鼻影，甚至試過突然在外要化妝，最淺號亦充當了眼影。 由於它色系較自然，手殘黨也不怕眉粉太顯色而難控制，但相對地，若果想化精緻妝容，可能用回眉筆比較好。 KATE TOKYO 3D造型眉彩餅性價比高，值得推薦給岀國也想有好氣息的偽素顏黨！ #岀國必備美妝

Shirleylws 好用推薦：購自屈臣氏 HK$95 圓頭易畫：⭐️⭐️⭐️⭐️⭐️ 偏粗：⭐️⭐️⭐️⭐️ 顯色：⭐️⭐️⭐️⭐️ 耐久度：⭐️⭐️⭐️⭐️ 因為一直用緊眼線液 但係內眼線經常性畫完之後就會化咗 所以好想要一支眼線膠筆 要用嚟畫內眼線 喺屈臣氏買咗呢支深啡色嘅Kate 眼線膠筆 啲上手好滑身 不過因為佢係圓頭 所以畫出來線條真係偏粗 可以畫得幼啲嘅 就係細力啲 但顏色同時都會淺啲 畫內眼線OK 眼尾就真係差啲 暫時未有掉色情況 Btw 佢有3隻色揀： 黑/淺啡01/深啡02 我掙扎咗好耐 決定買深啡02 因為黑色太實色 淺啡我又怕撞眼影色 買咗返屋企用呢個深啡色 其實影相睇嘅效果係接近黑色嘅 我覺得都還可以 建議購買淺啡或深啡 Btw, 之前係@cosmo 見到有kiss me 嗰個牌子嘅眼線膠筆 但係賣晒🥹 唔知有冇人推介好唔好用呢？因為呢支係易畫 好滑 但真係有啲粗 我諗唔會回購 如果用完呢支想試新嘅眼線膠筆 

Puffysheep好用推薦：見多人都有買咗 所以買咗嚟試下 我覺得佢都順滑嘅 而且畫上去啲顏色都幾持久同埋好容易畫 不過問題係佢個筆芯都幾容易斷 要小心啲先得 同埋佢做扭出嚟嗰下唔係好順暢

kka好用推薦：方便快捷，日常約會都可以用，用完之後隻眼睇落有神左，而且有放大雙眼既作用

Lumi Kwan好用推薦：佢嘅眼影大部份都係閃粉系列，閃粉比較粗粒，唔夠細緻，對我來講亦都太過誇張，有好幾次唔小心入咗眼，所以覺得質感麻麻。

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

tammpt好用推薦：呢個睫毛底膏係白色 夾完睫毛搽一次會有纖毛痴住本身嘅睫毛 有加長同加密嘅效果 要另外再搽自己嘅睫毛膏去遮返啲白色 有時遮唔曬會變咗好似塵痴係睫毛咁🤣

chasiutung好用推薦：Kate 眉粉 粉質一般 可以用於畫眉 鼻影 臥蠶 顏色自然柔和霧面妝感 但不太顯色 不持久 混油肌 夏天使用出門不久就掉色了

940727.0好用推薦：已經用咗第三盒，好自然完全💯分，唔會好死啲色。做到漸層效果，鼻影，眼影都用到。👍🏻

Nicnic好用推薦： 03 暖陽奶茶 04 南瓜烈酒 05 乾燥無花果 持久度：🌕🌕🌕🌕🌑 妝感：glossy 閃粉：❌ 佢個質地係潤但又持久嘅，打破平時潤就一定唔持久嘅定律😂。佢甩嘅先甩光澤、潤嗰part，但係顏色仲係stay喺嘴喥💋即使印落紙巾喥，都無乜色，好神奇！🤣🤣唇紋方面，唇紋深嘅人表示唔覺有好明顯嘅修唇紋效果，不過都冇加深嘅～☺️ 不過佢有染色效果，所以愈補唇膏，個顏色會愈濃郁。而且都要比啲心機卸妝～ 03 暖陽奶茶 我最鍾意嘅色，淺淺嘅奶茶色，任何時候唔想用腦諗搽乜之選，好白搭，基本日常妝都襯到。因為佢色號淺，愈補愈深色嘅情況唔明顯。 喜愛度：❤️❤️❤️❤️❤️ 04 南瓜烈酒 南瓜色底調嘅紅色，薄搽好顯氣色、精神，厚搽好顯膚色同牙白。呢隻色嘅妝感比較明顯，素顏搽就會有啲奇怪。 喜愛度：❤️❤️❤️❤️ 05 乾燥無花果 顏色係無花果色，有少少紫調嘅紅色，薄搽，厚搽會成熟啲，有機會顯老😗。潤澤嘅質地令佢喺陽光下閃閃發光✨✨ 喜愛度：❤️❤️❤️💕

綺羅香好用推薦：Kate怪獸唇膏順滑滋潤唔再講，能夠將帶透明感嘅光澤型唇膏做到持久不脫色真係好犀利，唔駛再驚係飯宴時唇色甩到一撻撻咁尷尬，都唔駛出街就要諗搵廁所補唇膏，因為顏色好多，為咗揀色號做咗好耐功課，等到決定要買嗰時，貨架所剩無幾，難得偶然撞到補貨，再唔買真係對唔住自己，一口氣掃咗4個色號，因為怪獸唇膏全部顏色都係黑色長條形包裝，淨係得底部label標明色號，為咗方便自己唔駛逐個打開嚟確認顏色，痴咗label上去方便辨認 我係白皮+偏深唇，今次分別買咗2號甜潤果紅，3號暖陽奶茶，5號乾燥無花果同7號荊棘玫瑰，呢4支都係非常熱門色號。 2號係偏粉嘅玫瑰紅，如果化淡妝可以薄搽呢隻色，我有時想偷懶唔化眼影，淨係上底色+畫眉+眼線+胭脂，加上2號色唇膏，會顯得個人有氣色同睇落後生啲，極端啲素顏薄搽都仲得，不過比較啱白皮，黃皮慎選 3號係淡橙杏桃色，本身好怕偏橙偏黃嘅唇膏，搽上去好似病人咁，但係3號低飽和反而容易接受，黃皮白皮都啱搽，而且非常百搭，好適合配搭春夏妝容，有時眼妝偏向濃重嘅時候，就會配3號唇膏，薄薄一層唔會太突兀 5號係超熱門色號，不過呢隻係官網圖標係藍調偏暗嘅泥土色，換句話黃皮慎選，亦

Giselle 好用推薦：Kate Tokyo 3D時尚眉彩膏BR-1 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款染眉膏又係一支陪伴我由新手時期到而家嘅眉膏( ⸝⸝•ᴗ•⸝⸝ )੭⁾⁾先講佢令我入手嘅優點就係佢嘅妝效₍ᵔ·͈༝·͈ᵔ₎ 佢隻色薄薄咁搽就已經好顯色⸜( ´ ꒳ ` )⸝♡︎可以染到好自然嘅毛流感超強嘅眉毛( ˘͈ ᵕ ˘͈ )但佢嘅前提係要真係超級有技巧咁搽( ･᷄-･᷅ )因為佢嘅刷頭好大，所以每次都會有太多膏體會hi到條眉到搞到一噠噠(꒦ິ⌑︎꒦ີ）佢嗰刷最尖端嗰個位永遠都會有最多嘅膏體，所以每次一定要拎紙巾抹走少少同埋一定要超小心咁打橫嘅刷頭嚟用( ꈨຶ ˙̫̮ ꈨຶ )不過我覺得佢嘅妝效可以keep到幾耐，基本上過咗全日我條眉都無花無甩到( ˘͈ ᵕ ˘͈ )但佢真係超級難用，完全唔適合新手or第一次入手嘅小夥伴用(っ◞︎‸◟︎c)

Kirby好用推薦：買三色眉粉有優惠裝送左支迷你眉膏 我髮色比較深 呢隻色都好岩用 👀顏色 ： BR-1 🌼用後感 第一次用時沾得太多 搽上眉有少少結塊 輕輕掃上眉毛已經好顯色 上色度高 顏色幾自然 出一日街基本上都無咩溶 刷頭前部分較尖 細心照顧到眉頭 刷頭中間至後面較闊 可以大手掃 ✅整體覺得CP值高 喜歡刷頭設計 ⚠️注意上眉毛前擦下樽頸位 避免擦頭沾太多膏有結塊問題

lllcccyyy好用推薦：我係睇台灣Youtuber種草左呢支粉底的😝 佢係一支好適合春夏季使用嘅粉底👍🏻佢係霧面妝感，控油同持妝能力都不錯！佢上面一推開就變左粉狀咁，唔會有黏膩嘅感覺😌 上個月帶左佢去新加坡旅行，嗰陣仲要帶漏左碎粉定妝🫢嗰陣就係用佢，然後玩一日都冇點甩妝🫢不過嗰陣冇帶口罩🫢之後返香港戴住口罩，係冇定妝嘅情況係用佢就不行了☹️建議大家係潮濕嘅天氣下用佢都係做好定妝會好啲😌

Noel好用推薦：Kate Powdery Skin Maker 粉底液，算是初代日系開架的 matte foundation 了❗價格實惠，小資女也能輕鬆入手，而且品牌有誠意，共 6色可選，含 SPF 15。這枝粉底用量很省，黃豆般的大小，就可以上全面～ 但是感覺有點快乾，要好好把握上妝的時間及速度，不然容易一達達。這個缺點，只要多多練習就能解決👌 整體妝效 soft matte，粉底在面上很 light。帶妝五小時左右，開始出油，會有微微氧化暗沉。

raissa好用推薦：第一次買kate嘅粉底。覺得效果都唔錯👍🏻質地好容易推開，唔係太多嘅量就可以擦曬全面。我本身嘅皮膚有啲乾，做左少少簡單嘅保濕再上粉底，都冇乾嘅感覺。少少霧面嘅效果都係我鐘意嘅感覺😍。妝感都唔話好重，偏向自然嘅感覺。 但遮暗瘡嘅能力就差左少少🤏，黑眼圈就都ok遮到💪🏻。 如果皮膚狀態唔錯嘅時候，呢隻粉底真係唔錯！

HYHY好用推薦：平時用開kate眉毛產品, 今次都係用第一次用kate 的粉底液. 好處：岩岩上臉會有小小光澤感, 保濕度很夠, 好易推開, 質地好水潤. 可以推到好簿好貼臉. 亦都能夠幫我均勻膚色. 壞處：遮瑕力不足

Hamiii好用推薦：大地色又自帶閃粉既眼影好方便， 單搽又得，搭埋用又得 當提亮亦得， 一物多用，抵丫👍🏻

Cherly_ch好用推薦：超常易上色 又貼服 有珠光效果 有好多唔同色可以營造不同造型 持久度好好 一整日都keep到