ANESSA 好用推薦產品

Chloeincosme好用推薦：本身想買黎搽臉美白，點知導致閉口（我同anessa d產品真係唔係好夾😂），為左唔好浪費，就用左係手肘同膝蓋位置，呢d位長期有色素沉澱，夏天著短袖時特別顯眼，估唔到都幾令人驚喜～ 🤍 柔滑效果：4/5 連續用一個月，手肘同膝頭嘅粗糙感明顯改善，摸落去滑溜咗，似浸完溫泉後嘅肌膚觸感～ 🤍 質地吸收：4/5 乳液狀質地輕薄易推，吸收後零黏膩，就算夏天用都唔會黐笠～ 🤍 修護持久度：4/5 即使唔係日日用，皮膚都能保持柔軟狀態，唔會好快打回原形～ 🤍 性價比：5/5 百幾蚊超大枝，每日搽手腳位都仲有大半枝😂用係臉會仲抵！ 總結： Anessa呢支修護露雖然唔岩我上面，但保持到手肘位/ 膝頭皮膚柔滑已經好足夠～

Yuffie好用推薦：一向有用開Anessa 嘅防曬產品，既然出咗晚間修護曬後護理，所以都想試吓。瓶裝擠壓方式乾淨，而且瓶身設計簡約優雅。 乳液質地透薄，搽上去好快吸收，亦冇濃重黏膩感。搽完覺得幾滋潤同舒服，但用咗一個星期就未見太明顯嘅美白效果。性價比嚟講唔錯。