YSL BEAUTÉ 好用推薦產品

Noel好用推薦：YSL的 PopUp Store 禮物，由於顏色不是我的茶，就簡單評價一下品質。產品包裝華麗，金色瓶蓋太經典了。而且指甲油掃夠大夠長，容易使用👌 顯色度可以，一層大約有六成飽和度。而指甲油亦帶點香味，使用時不臭👍

Kura好用推薦：顏色選擇好多，我好鍾意呢一款指甲油，搽上手有種仙氣感，但係價錢真係偏貴

iliya 好用推薦：潔面泡沫嘅清潔力都幾好，洗完面之後唔會有乾燥嘅感覺，而且有淡淡嘅香味，令每晚心情更靚😍

chymiaaa好用推薦：用完之後塊面會好乾 而且整少少出嚟就已經可以起到好多泡 用完之後會聞到一陣香味 又唔會話太濃 我自己來講就覺得幾唔錯

Fng好用推薦：Yves Saint Laurent ysl 黑鴉片 Black Opium EdP 鴉片系列風格以黑色為主題，包裝閃閃的瓶身很吸引，整體質感也很好，個人認為香味較適合30~40歲，香味大可維持一整天👍。 起初噴時，濃烈香味撲鼻，過一段時間後變成濃郁的咖啡+茉莉香，溫暖的花香，最後為廣藿香和雪松。 香調：東方辛辣花香 前調：粉紅胡椒，橙花，梨子 中調：茉莉，咖啡 後調：香草，廣藿香和雪松

Katrina好用推薦：味道好特別，並且非常濃郁。香氣濃郁，濃嘅程度令未必人人都會鍾意佢，但香氣持久力強。

Ressie14好用推薦：情迷凝亮唇蜜 係同系列出既「透明」色號, 因為我係YSL fans既關係我入手左一支2023年冰川系列包裝既正裝 （今時售價 $375） 一支用積分換返黎既 + 購物時前前後後獲贈過數支迷你裝， 多到買護唇膏既錢都可以慳返。 重點優點：同YSL CandyGlaze 或 Loveshine 一樣, 佢有一種始終如一既香味, 中意開就會中意, 唔中意亦唔會特別追捧，而且潤澤度好高 ；包裝與時尚時高級～ 然而比較同類型相似產品如某G品牌KISS KISS系列，前者號稱以石榴萃取注入、後者號稱以蜂蜜注入，潤澤度相若（純使用感受而言）我認為後者更是優勝，因為G品牌有微量染唇功效，單搽KISS KISS護唇膏有潤澤+自然提亮唇色功效，但YSL就沒有。

Yingc好用推薦：我挑選的是04號色很適合日常妝容，大熱色號😆 怕掉色的話可能另外加上唇膏雨衣

lingbb好用推薦：色號係06色burgundy Temptation - 肉眼睇枝唇色好似好深好難carry, - 但上咀果隻紅潤係天生咀唇好有血色嘅感覺，好鐘意呢隻色， - 質地滑而且滋潤得黎唔黏笠，剛剛好，而且有光澤 - 食完飯會得返3 成，需要補一補， - 已經用到見底，都未捨得掉，就知幾深愛

Minnie Tse好用推薦：可以說是YSL唇膏系列中最滋潤的，減少唇紋，感覺很輕薄和舒服，輕鬆打造水潤嘟嘟唇🫦 大推色號 05，13 13超適合夏天！

Lumi Kwan好用推薦：分層識嘅卸妝油，專門負責落唇部及眼部彩妝，輕輕倒落化妝棉上用，清潔度都唔差，輕易卸除眼妝，閃粉都可以輕易卸除度。

iliya 好用推薦：呢款係水油兩層分離嘅眼唇卸妝產品，使用前要搖勻，令水油混合。眼唇卸妝都卸得幾乾淨，唔洗花好大力氣就可以輕鬆抺去彩妝❤️

Kura好用推薦：呢款精華嘅質地偏厚身，但用上臉清爽不油膩，我堅持用咗一段時間，整體膚質變好咗

Kaying Yeung好用推薦：除咗保濕之外冇乜其他效果感覺到 不過使用感受好好 唔cheap嘅香味 而且吸收快 唔鍾意佢吸管嘅設計 用到最後玻璃瓶身俾我唔小心打爛咗先發現仲有唔少精華係底

🌸好用推薦：小金條唇膏，係YSL會員入門禮。我呢枝係01正紅色，以下係試色： 我以為會係啞光唇膏，點知佢都有啲光澤感，顯色度高，可完全覆蓋原有唇色。

brenda好用推薦：如果香味能改善一下就好，味道實在太濃，感覺很刺鼻，質地很滑，很易上色

🌸好用推薦：保濕度高，使用後，眼影色澤持久。而且保濕度高，乾性皮膚嘅恩物，秋冬使用一流！

choichoi好用推薦：沒有因此令眼影持久，油眼人一樣會暈染；倒是很助眼影顯色

🌸好用推薦：#火熱新品 我一直以來都係YSL嘅粉絲嚟，得知佢哋推出咗新嘅遮瑕膏之後，就迫不及待買來試啦❤️ 我喺專櫃購買嘅時候，佢仲贈送咗一張試色卡畀我，可以體驗吓唔同嘅顏色。我買嘅顏色係LC2 我本身都係偏乾嘅皮膚，成日都好驚啲遮瑕膏會乾巴巴，搽咗之後會起裂紋。呢隻遮瑕膏嘅質地水潤貼服，質感透薄自然，而且遮瑕度相當驚人！我用咗我自己粒癦嚟試畀大家睇。呢個係使用前：呢個係使用後：粒癦係完全遮蓋咗🤣睇落相當之自然。專櫃嘅職員仲教我深色啲嘅遮瑕膏可以當shading咁樣使用，竟然可以一物二用，正！ 佢完全唔乾，非常透薄，妝感接近零，一年四季任何場合都適用。

Ressie14好用推薦：#火熱新品 當我在尋求遮瑕液產品時, 剛好碰上了YSL Beauté 在香港上市「恆時輕透霧光全效遮瑕液」。 本身想試LM牌 很火的遮瑕液, 但身為YSL fans既我都係要俾機會YSL先。 買左兩支，一支LC5 (黑眼圈用），一支LW7（面部瑕疵用）， $370一支。 呢支新恆時輕透霧光全效遮瑕液, 遮蓋黑眼圈效果我好滿意;上妝6小時後輕微積線在所難免 ; 但勝在水潤度高, 好貼服。 至於遮蓋肌膚瑕疵方面 就表現一般; 例如我腮位有一處深色but平滑既暇疪, 10小時後係會甩左啲（8am化完，6pm觀察）。 一支遮瑕液可以高達15ml容量, 而且包裝酷酷的, 櫃姐推介可以作當埋出街溶妝時補妝用途。 往後呢幾個月就日日用佢啦。