YSL BEAUTÉ 好用推薦產品

LenaC好用推薦：疫情下日日帶口罩 但約會難免要除低口罩 食吓飯飲吓野 所以除咗化個靚靚既眼妝之外 口罩吓既妝容都絕不能忽視哦 簡簡單單兩件單品 輕鬆締造甜美妝容 1. YSL 既迷魅亮彩唇膏 小金管加上YSL金環設計高雅唇膏水潤唔脫妝 蘊含護唇油 一抹非常易推 不黏膩 完美隱藏唇紋 且有極高色彩飽和度 前後光澤感：❤️❤️❤️❤️❤️ 水潤感：❤️❤️❤️❤️❤️ 舒適感：❤️❤️❤️❤️❤️（滋潤度高容易推開） 持久度：❤️❤️❤️❤️❤️（不易脫妝 食完飯都仲留有色澤） 2. 胭脂 德國有機彩妝品牌NUI Cream Blush 100%天然成份 90%有機成份 蘊含保濕植物油成份 充分滋潤肌膚 除咗可當做胭脂 仲可以當做眼影、唇膏 質地雖然係膏狀 但塗抹時會變成粉末狀質地 直接用手指印開 我揀既PITITI 色系 係玫瑰粉紅 完美打造霧光好臉色 好似夏天剛曬完雙額紅卜卜 簡簡單單兩件單品 輕鬆打造 #夏季戀愛感妝容

bibubibu好用推薦：我手頭上嘅顏色係154 係一個莓果嘅顏色 搽上念非常顯氣息 就算係黃皮嘅女生都可以輕鬆駕馭 呢個顏色唔會挑膚色 質地油潤 上嘴充滿光澤感 有少少染唇效果 整體唔算太持久 另外佢唇膏有香水嘅味道 個人相當喜歡

robinsbk好用推薦：YSL呢枝月光仙人掌精華真心大癲🤯貪靚+護膚咗咁多年 未試過遇到一枝精華咁快見效 咁短時間就有感!!🫨而同時溫和唔刺激 唔會對我皮膚造成傷害/甩皮 佢係雙層精華玩法 1/3油份同2/3水份精華 要搖到好勻先吱出嚟用 如果唔係就應該唔balance 睇唔到兩種精華嘅功效 佢texture好正! 雖然有油但搽上面又唔笠 好易吸收哂 吸收完仲會有啲潤澤感 不過身為乾肌嘅我用完佢 都會想安心啲再疊加保濕精華 要提一提嘅係 佢入面加咗3.5%甘醇酸 響我第一晚用嘅時候 我用咗三泵 全面有大概半秒好似俾針拮嘅感覺 但只有半秒 而且無紅無痕 因為酸性產品都係需要建立耐受性 所以最好少範圍試試先 (去到第2晚用已經無再拮lu) 先講吓本人嘅膚質~ 乾肌 夏天長期吹冷氣 上完妝7-8個鐘會有少少甩皮 另外仲有暗沉 暗粒 粗糙 問題 工作需要 咁啱呢排日日都化全妝 長時間帶妝 唔知係咪咁就焗到我一邊面生咗堆瘡+暗粒 其中兩粒仲要係最難搞嘅石頭瘡🥲因為驚太乾唔敢用暗瘡膏 去做facial都係話要等佢慢慢謝 就係咁等咗成兩個禮拜都反反覆覆無好過 又紅又腫🫠 直至我遇到YSL呢枝月光仙人掌精華🥹用完第二朝

Ressie14好用推薦： 夜皇后精華，值得推介，力推！ 2022年五月崇光感謝祭，第一次購入YSL產品。當時係經朋友介紹，YSL 夜皇后精華以消除肌膚疲勞狀態見稱，偶然間走近專櫃，見到佢水油分離嘅狀態幾有趣，試上手，味道我又幾喜歡；就買了一支細支裝30ml。 後來又送左同款7ml sample 仔, 我就由試用裝開始試用。 初初唔知使用份量幾多，兩星期，我都只係用咗唔夠半支試用裝。皮膚沒敏感，而暗黃的缺點明顯改善了💛再者，我頑固的暗瘡印消退得比從前快（利申：我好懶去做facial），仲有，額頭上因長期搽防曬產品而擴大咗嘅毛孔漸漸亦收細左🤩所以我覺得用好嘅護膚品，仲好過去美容店做facial😅（雖然呢個諗法係唔啱） 用下用下，都用咗一年了。雖然皮膚已經習慣咗YSL 夜皇后精華，但肌膚可以keep住平平穩穩，我會繼續支持YSL 夜皇后精華

chasiutung好用推薦：昇級版個氣墊粉盒嘅設計真係好靚黑色金色皮革設計既高貴又型格 我用嘅色號係b25 有日系奶油肌妝效 妝感服帖 上臉遮瑕度一般 黑眼圈位置同痘印需要另外用遮瑕液遮 妝感吾厚重透薄透奶油肌妝感我混油肌夏天持妝大概四小時左右開始出油 有輕微浮粉用紙巾印下都ok 無用定妝產品個妝都keep 得幾好 整體感覺吾錯 秋冬使用無咩點出油 控油同持妝效果都好理想 右邊係恆時啞緻氣墊粉底B30 左邊係昇級版輕透無重羽毛氣墊粉底B25

lingbb好用推薦：- ysl cushion外型從來唔會令人失望，黑襯金色ysl字非常型格，摸上手都好有質感， - 粉樸印有金色ysl字，而且樸嘅質地非常柔軟舒服，絕對高質 - 氣墊有spf 50 加咗好多分，夏日炎炎出去補防曬都好足夠 - 質地好creamy但唔厚身，好快就化好底妝，真係做到氣墊快速而又完美地化好個妝 - 夏天用咗好多次都好滿意 - 遮瑕度中上，圖中我無用遮瑕膏，遮蓋咗我8 成泛紅位置，好出色，matt finish ，令成個妝容都好無瑕，用定妝粉輕輕定妝就出得街🥹 - 係戶外行走持妝6 小時+ 帶口罩=都無乜甩妝 - 中途有用碎粉補一補（個人習慣） - 雖然無溶，但感覺好似有輕微氧化 - 非常適合戶外走動、需要快速上妝又唔想額外拎防曬既你😍

Lumi Kwan好用推薦：一睇就知我係fans. 兩大唇膏品牌YSL 同Dior都係我大推，但如果講大愛大愛，一定係YSL。我都未影晒，但目標係想話俾大家知質感。 第一支係我好常用嘅啞緻唇膏，睇我連number 都冇左就知我成日帶出街。佢好好用，好易查，啞色但好滑，又唔易甩。 我個人係中意唇釉，漆亮系列水凝膠質地為雙唇帶來清爽，唔同平價品牌，佢係好long lasting，又唔會好閃令令，太糖果感覺有時會好油膩，佢就剛剛好，帶點小性感。而金蓋系列就係啞色，佢更long lasting又唔乾，好嘅lip tint唔乾真係好緊要！ 至於唇膏，圖中小銀管有粒銀星星，所以啲閃粉一查就會出晒黎。 對比之下，絕色唇膏較實色，顯色度係最高。亮彩唇膏就自然d，但都有啲色系有閃粉，可按個人選擇。 我再加一張”落妝一次圖”，就知邊款最long lasting

橘子貓好用推薦：#01 #70 比較傳統、舊配方的唇膏，較實色，顯色高，塗上有點光澤，在我嘴唇上很快就現唇紋，變乾。顏色#01 正紅色，#70 粉棵色都不太適合我，不太喜歡。

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印 質地: 舊版質地偏杰 無乜流動性 超快乾 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄 色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出少少油後反而妝感更靚 不斑駁 無溶妝 有種出油後同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

zetalhc好用推薦：適合油性肌嘅粉底液，用全日同埋係炎熱天氣都唔容易脫妝，但係遮瑕力不太高，痘印同黑眼圈唔係好遮到。不過overall性價比唔錯，質感幾透薄同埋唔致敏，一支夠半年日日用

綺羅香好用推薦：仲好記得當年啱啱推出呢款bb cushion 時，專櫃係被搶購一空，我要訂貨等兩個禮拜至入到手，初初用時覺得好方便，海綿同粉撲有嘢隔開，色號由sale幫我揀，用粉撲㩒一㩒入面嘅海綿，粉撲就均勻咁沾滿粉底液，輕輕拍拍拍就好快上完底妝，用哂可以換refill，唔駛嘥咗外殼，後來原本外殼用到甩哂漆，就買咗星空版 後來用多幾次發現浮妝得好緊要，唔貼皮膚，遮瑕度好一般，暗瘡黑眼圈都要另外用遮瑕膏，夏天半日就脫妝🤦🏻‍♀️，最大問題係會致痘，可能跟粉撲有關，以後唔會回購

小仙女好用推薦：用後感：🖤 ✅高人氣 ✅油皮適用 ✅輕薄 ✅有遮瑕功能 ✅貼服上妝 搽出嚟係啞光奶油肌，有種高級嘅感覺，主打輕薄，遮瑕力中等，持久力還好，上裝貼服得來唔會浮粉，油性皮膚非常推介。 總結：🖤 ⭕️可以接受