MUJI 好用推薦產品

劉肥貓好用推薦：初初見佢價錢平 一盒$50有五對眼膜 平均$10一對 初初對佢冇咩期望諗住試吓無妨 價錢平 點知用完超級驚喜 特別用響嘴唇兩邊虎口 只需夫上10分鐘 滋潤保濕但完全唔黏笠 持久的可以有兩三日 性價比非常高 佢 質地好似傑身潤膚露 能夠緊貼個面部 唔會走位

劉肥貓好用推薦：我一向都鍾意用無印良品爽膚水濕敷面部 浸濕省水化妝棉敷上面部5分鐘 連續敷上一個星期 皮膚會變得較為穩定及水潤飽滿

Circlecyy20好用推薦： 很高保濕度又不算 係在肌膚不穩定的情況下會用 沒有致敏成份 有平靜安穩肌膚之用

Circlecyy20好用推薦：主要會用在特別乾易爆坼既地方 有即時舒緩乾裂既狀況 多搽幾日就開始回復正常

Tiffany好用推薦：有點像萬用膏的保濕霜，隨身放在化妝包內，嘴唇乾、手起死皮、鼻頭甩皮都可以點塗。

WSY好用推薦：可以用來濕敷，令到皮膚更加滑，都可以有效補水！聞到淡淡地嘅草本香，亦都好舒服

劉肥貓好用推薦：佢有好淡淡的清香味 好舒服 而佢比較適合秋冬天天氣乾時用 因為我皮膚屬於油性 夏天用會笠少少 秋冬天用會適合多啲 我將佢到濕化妝棉濕敷面部5分鐘 有滋潤嘅感覺

Tiffany好用推薦：跟罐裝保濕霜一樣用途的產品，不過棒狀更衛生，不用手指直接觸摸膏體，使用感更佳。

sami.mew好用推薦：很方便帶出街補妝時用，覺得對鼻翼呢啲比較易乾燥嘅位置泥講好好用。

Emily Leung好用推薦：Muji平衡淨肌水 透明樽身簡單乾淨，水狀質地好清爽。 好用之處： · 清爽唔黏：質地真係好清爽，拍上臉好快吸收，夏天用好舒服。 · 保濕夠力：雖然係清爽質地，但保濕力都唔錯，用完皮膚軟軟哋。 · 平價抵用：大大支唔使一百蚊，點用都唔心痛。 效果點樣： 我覺得佢幫到手平衡皮膚狀態，特別係T字位冇咁易出油。用來濕敷都得，敷完塊面水潤咗。 總結： 一支平、靚、正嘅化妝水，特別推薦俾學生黨同油性/混合肌朋友，基本保濕同平衡效果都做到！

維他他好用推薦：分享【適合夏天的【化妝水】的產品 Muji 呢隻淨肌水，成分天然，無色無味，吸收好快，但又有效幫面部肌膚做到最初步嘅保濕，唔會痴立立，而且可以幫助令後續嘅護膚品更加吸收。 呢支係一支好輕盈，舒服，令皮膚無負擔，同時做到保濕效果嘅化妝水，個人覺得非常適合香港嘅夏天使用，會持續使用。 價錢方面亦都好親民，冇記錯好似$88 only, 就大大支，可以用好耐，就算用黎濕敷都唔肉痛。 #適合夏天的化妝水產品

Jasmine L好用推薦：第2代質地明顯比第1代更濃稠滋潤，係偏乳霜感嘅乳液。推開時感覺豐盈，但吸收後仍然留有明顯水膜感。 對敏感混合偏油肌嚟講整體質地太滋潤，T字位同鼻翼容易焗油。特別係香港悶熱天氣，用完更加容易出油同毛孔變粗。 對混合偏油肌嚟講會負擔稍重，更加適合乾性或中性肌使用。

Sandy好用推薦：【冬季護膚】產品使用心得 無印良品敏感肌乳液 性質溫和、無香料、無酒精等成分， 適合敏感肌用。 保濕型滋潤度高，適合冬季護膚用， 整體CP值高， 沖涼洗手即刻搽非常之保濕👌 產品特: 成分溫和：無香料、無色素、無酒精、無礦物油，低刺激。 我經常用於身體護膚， 冬天需要搽多幾次，因每次好快吸收， 需要搽多幾次。 價錢$48／一支，非常之經濟抵用👍

Chloeincosme好用推薦：前排去日本見到勁多日本妹係Muji入面拎左呢枝洗面奶比錢就即刻買返支！ 試完返唔到轉頭：一定會回購！ 日本天氣好乾，用平時潔淨能力較高嘅洗面奶好容易太乾甚至甩皮，但係無印呢支完全唔會有呢種情況發生！雖然泡沫唔算好綿密，但係清潔力都夠強，用完唔會令到皮膚緊崩😍呢個係重點。 返到嚟香港間唔中都有用佢！冬天一定會回購😍

GinGin好用推薦：依款洗面膏真係夠保濕，而且泡沫超豐富，用完又唔會乾，價錢親民，而且容量大，一定會回購

Emily Leung好用推薦：Muji導入精華液用後感｜簡約派嘅保濕打底神器！ 身為簡約護膚派，Muji呢支導入精華液（Moisture Serum）真係深得我心！平平哋，但效果絕不馬虎。 一貫Muji嘅簡潔透明樽身，睇得晒入面仲有幾多，夠晒實用。擺喺化妝枱上，零違和感。 點解會用佢？ 我護膚第一步就係用佢嚟打底，質地係透明嘅凝露狀，非常水感。一搽上面，咻一聲就吸收咗，之後再搽化妝水同精華，感覺後面啲護膚品吸收得快咗同好咗！ 推開就變成水一樣，完全唔黏膩，保濕感即刻有。無論咩膚質都用得到。 效果有幾好？ 最明顯係皮膚飲飽水，冇咁容易乾到繃緊。尤其係轉天氣或者開冷氣瞓覺，用咗佢打底，第二朝塊面都依然保持水潤軟滑。妝前用，個底妝都會特別貼服。 用之前皮膚有啲乾，用完之後即刻有層水潤光澤感，摸落去滑溜咗。 總括嚟講： ✅ 優點： 價錢親民、成分簡單溫和、保濕力足、百搭唔會「撞護膚品」 ❌ 缺點： 功能專注保濕打底，冇其他美白抗老等功效 咩人最啱？ ➡️ 追求性價比嘅學生黨同小資女！ ➡️ 護膚步驟喜歡簡簡單單嘅人！ ➡️ 需要一支萬用打底精華嚟加強後續保養嘅你！ 一支唔會出錯嘅基礎入門精華，誠意推薦

TY好用推薦：爽膚水質地，吸收得幾快，吸收完之後唔會覺得笠，有保濕效果。 夏天出得多汗我會用水洗一洗面再拍佢，或者倒啲落化妝棉直接抹面，等塊面感覺冇咁污糟。

Chloeincosme好用推薦：🤍 溫和度：5/5！Muji呢支敏感肌卸妝油真係名不虛傳～配方超級溫和，完全冇香料同酒精，就算係敏感肌或者皮膚狀態唔穩定嘅時候用，都完全唔會刺激或者泛紅，用完皮膚零負擔！ 🤍 質地同乳化力：4/5！質地算輕薄，唔會好似一般卸妝油咁厚重，推開按摩好順滑～乳化速度中等，沾水後可以徹底乳化，沖洗後冇油膩感，亦唔會黐笠笠！ 🤍 卸妝力：3.5/5！日常防曬、底妝同眉毛都可以輕鬆卸除～但對於防水眼線同睫毛膏就比較吃力，建議眼唇部位還是要用返專用卸妝產品，以免拉扯到皮膚！ 🤍 保濕度：4/5！用完之後皮膚完全唔會緊繃或者乾燥，反而有種潤潤嘅感覺～成分溫和同時保留到肌肤水分，乾肌同敏感肌都可以放心使用！ 總結： 如果你係敏感肌或者喜歡簡約護膚，Muji呢支敏感肌卸妝油絕對係穩陣之選！佢溫和又足夠卸除日常底妝，而且價格親民，性價比超高～雖然對付唔到強力眼妝，但作為一支日常卸妝產品已經足夠，特別推薦比追求溫和同基本清潔嘅你！

Kk.ac好用推薦：平時都有唔少人推介muji好物，今日就要推介muji溫和潔面卸妝油😍 🔸呢款卸妝油加入咗具有高保濕功效💧，並配合天然潤澤成分杏桃汁、桃葉精華及透明質酸製成。而且最重要嘅係無香料、無礦物油、無色素、無酒精等，對皮膚或氣味敏感嘅人都比較友好😌 🔸使用方法：我平時會按壓3至4次於掌心，然後搽面並打圈按摩，對於眼部彩妝，會將手指放係眼部（合上雙眼）多停留幾秒以充分溶解，之後再用水徹底沖洗💦 🔸用後感：用卸妝油個時，感覺到質地輕盈又唔笠，唔需要用力搓揉，好易乳化。清水洗乾淨後，塊面覺得幾滋潤，無繃緊，面部無殘留感覺。 總而言之，我非常滿意muji呢款溫和潔面卸妝油，可以輕鬆卸完妝，連卸妝棉唔洗用。佢能夠起到溫和清潔又滋濕皮膚嘅作用，而且喺muji卸妝眾多產品當中係清潔力強同滋潤。佢宜家400mL只賣七十幾蚊，物超所值，用多啲都唔心痛👍🏻👍🏻