MUJI 好用推薦產品

Lindabb好用推薦：呢支Muji溫和磨砂潔面乳，真心抵讚，性價比高到爛！ 首先講個質地，擠出嚟係一撻白色嘅膏狀，入面有啲細細粒嘅磨砂粒子，唔會好粗嚡，捽上面嘅時候感覺好溫柔，唔會刮到面痛。起泡量唔算好多，但係都夠均勻，洗完塊面唔會話好乾爭爭，有種清爽得嚟又保濕嘅感覺。 我本身係混合性偏油，T字位成日出油，鼻翼兩邊有啲黑頭同角質。用咗一個禮拜左右，覺得啲粒粒平滑咗，黑頭冇咁明顯，但唔會話完全消失，始終佢係溫和型，唔係嗰啲強力磨砂。朝早用完，塊面滑溜溜，之後搽護膚品都吸收得快啲。 味道方面，冇乜特別香精味，係好淡好淡嘅原料味，接受到。一支有成120g，我差唔多隔日先用，都用咗成兩個月先見底，真係好襟用。 缺點都有嘅，就係如果你係超級油性皮膚，可能會覺得清潔力唔夠勁；同埋磨砂粒子比較幼細，想深層去角質嘅話，可能要搵返啲顆粒大啲嘅產品。 總括嚟講，呢支嘢適合中性、乾性或者敏感少少嘅皮膚，用嚟日常溫和清潔同去角質一流。幾十蚊貨仔，仲想點？絕對會回購！

Emily Leung好用推薦：MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

dor.r好用推薦：無印嘅護膚品性價比一直都好高，呢支for敏感肌嘅洗泡唔止價錢平仲大大支👍🏻用天然水製成，冇香料色素酒精等至敏成分，低刺激性，唧出來啲泡沫都算細緻🫧兩泵已經夠用全面，洗完面幾清爽乾淨，但保濕度差少少塊面有啲繃緊，個人覺得夏天用會適合啲😉

mandy好用推薦：Muji Sensitive Skin Face Soap Foam 敏感肌潔面泡沫 $68/ 200ml 成分簡單，不含酒精、香料及色素，適合敏感肌使用。 敏感肌潔面泡沫是可以一按即出泡沫的設計， 非常適合早上趕時間的都市人及不喜歡自己起泡的用家使用。 敏感肌潔面泡沫可以起出豐盈泡沫，不過泡沫比較軟身， 而不是一般較企身的泡沫。 主要添加了保濕成分，潔面時感到很溫和舒適， 潔面後肌膚很乾淨，也不會感到乾燥。 敏感肌潔面泡沫價位便宜，一按即出泡沫的設計，方便省時， 而且敏感肌及不同膚質都可以使用，可說是沒有什麼缺點， 是一款性價比高的潔面產品。 含保濕成分: 雙丙甘醇, 醣基海藻糖, 聚季銨鹽-51, 丁二醇 及 甘油 抗衰老成分: 甘油 肌膚修復成分: 甘油

mysecretgarden好用推薦：講開卸防曬我一直都好苦惱。本身只係搽咗層防曬，但又未至於化全妝，為咗佢特登用卸妝水，又要拎化妝棉抹一輪，真係有啲麻煩。後來試咗Muji呢支溫和潔面乳液，先發現原來可以簡單咁多。 支嘢嘅質地同佢個名一樣，真係好乳液推開嗰陣好柔滑，完全唔會拉扯塊面，一開始都唔係好適應覺得滑潺潺，不過秋冬用呢就幾舒服。用完之後，塊面完全冇繃住嘅感覺，摸落去係水潤軟滑嘅。清潔力就屬於溫和派。如果我只係搽咗普通防曬，佢應該都可以洗乾淨。不過如果真係化咗妝，就未必夠力，我試過隻手度測試，真係要俾啲力先可以清潔到，比較起上嚟覺得同一個系列嘅啫喱表現就好好多。

Karman28好用推薦：真的是很溫和的潔面乳，清潔力較低，覺得完全無刺激性成份，十分適合敏感肌人士。 但一般夏天會出汗和油的，不太推薦。

Chloeincosme好用推薦：前排去日本見到勁多日本妹係Muji入面拎左呢枝洗面奶比錢就即刻買返支！ 試完返唔到轉頭：一定會回購！ 日本天氣好乾，用平時潔淨能力較高嘅洗面奶好容易太乾甚至甩皮，但係無印呢支完全唔會有呢種情況發生！雖然泡沫唔算好綿密，但係清潔力都夠強，用完唔會令到皮膚緊崩😍呢個係重點。 返到嚟香港間唔中都有用佢！冬天一定會回購😍

GinGin好用推薦：依款洗面膏真係夠保濕，而且泡沫超豐富，用完又唔會乾，價錢親民，而且容量大，一定會回購

Shinychan好用推薦：購自韓國Muji，聲稱加入海水成份，用完覺得潔淨不緊繃，我係油性敏感肌，佢洗得乾淨但係唔會好乾

Sandy好用推薦：日本洗面乳 我用去洗埋頸 溫和配方無香味😄 一大支好抵用 喜愛佢原因 😁 用完之後皮膚冇掹掹緊 購自專門店😄

mysecretgarden好用推薦： 之前睇咗網上好多好評，終於趁去日本旅行時買咗支Muji潔面啫喱試吓。不過Muji實在太多唔同系列，產品名又好似差唔多，買嗰陣真要睇清楚先好入手。雖然個名叫潔面啫喱，我見好多人會用嚟洗面，但睇介紹話其實應該係卸妝啫喱先啱，我自己都一直當佢係卸妝產品咁用，親身測試過係work嘅。之前用開卸妝水，覺得有啲麻煩，又要用化妝棉。而家我就方便好多，沖涼時直接用佢嚟卸走面上嘅防曬同底妝，之後再用洗面產品清洗。支凝膠質地比較稠身，推開時有少少阻力，搓幾下已經搞掂 其實質感唔算太舒服，但整體卸得幾乾淨，最鍾意係可以將卸妝同洗面步驟合二為一，唔使分開兩次做，慳返唔少時間同功夫，而且最正嘅係佢真係好平呀，大大支都係$50左右，所以都已經用咗好多支。

choichoi好用推薦：質感親膚的凝膠質地，延展很好不會造成磨擦肌膚的煩惱，用起來無負擔而且不刺激，是很溫和的潔面產品，敏感或弱弱肌也能安心用

Puffysheep好用推薦：都係一塊成份簡單嘅洗面梘 有時或者簡簡單單冇咁多成分都係一件好事嚟嘅 效果清潔力ok唔會話太over或者太少

Lumi Kwan好用推薦：冇乜特別，只係有時話muji好多珍寶，所以貪得意試，冇話好好，又冇敏感，一般吧

Tiffany好用推薦：低起泡的潔面乳，質地是潔面奶般，沒有香料，沒有酒精，清潔度不會好高，好適合敏肌

lucrezianoin好用推薦：早兩個月轉天氣搞到塊面有啲敏感, 用呢支洗面剛剛好! 唔用網都起到泡泡, 冇乜味道, 感覺好温和! 最重要係洗完唔乾!

choichoi好用推薦：如果只作為磨砂使用也未嘗不可，不會過於刺激但粒子又能確實去除老化物，加上價格便宜與溫和的性質可以一嘗。如果作潔面乳每天使用就略為刺激皮膚，不建議

lucrezianoin好用推薦：呢隻scrub去角質效果不錯, 不過用完好乾!!! 感覺上有啲傷皮膚(我已經好細力+唔捽太耐), 久唔久月一次都還可以, 用完要瘋狂補濕!