DECORTÉ 好用推薦產品

Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！

Kitty 好用推薦：呢支CC霜嘅設計簡約得嚟好貼心，一支已經集齊防曬同底妝，真係好啱我呢啲貪快又怕麻煩嘅懶人！ 質地相當水潤，搽上臉嘅感覺好似用緊護膚品咁，完全唔會有厚重嘅笠耷感。我係混合肌，兩頰偏乾、T字位易出油，用咗之後竟然無爆皮，出油情況仲有改善，呢點幾驚喜～最值得讚係佢嘅調色效果，我本身膚色有啲偏黃同暗沉，薄薄印一層已經即時均勻返，尤其係10號帶粉紫色，正好可以中和黃氣，望落膚色好似自帶柔焦效果，而且一啲都唔覺粉厚。 我覺得佢主要強項係均勻同提亮膚色，遮瑕度屬中等，明顯嘅痘印就要額外補遮瑕。不過日常返工或者趕時間出門，真係好夠用。試過帶妝大概8個鐘，只係鼻翼兩側有少少溶，整體妝感依然keep得唔錯～要講缺點的話，價錢偏高，而且單用對我嚟講遮蓋力未夠，後續需要疊加粉底先至更完美。但如果你想要一支自然、快速打造偽素顏嘅底妝，呢支真係值得考慮！

kylie好用推薦： Decorté 粉底液可以做到成膜既效果，令佢十分乾爽，持妝效果都十分良好！夏天時使用都完全可以維持到晚上，會變奶油肌既狀態，冬天使用都唔會乾，持妝效果更好。而且質地很透薄，遮瑕力都足夠，但有暗瘡時不太能夠遮蓋。 #我的最愛粉底液

choichoi好用推薦：質地水潤透薄不厚重，貼服且滋潤。能提供中度遮瑕，泛紅和毛孔都不成問題同時能調整及均勻膚色，不易卡粉顯乾也是它的優點之一，容易產生細紋的位置例如眼周下方或法令紋也不會卡粉令其更顯著/加深或脫妝

choichoi好用推薦：比較失望這款粉底掉妝比較快，掉起來很斑駁；除了透薄外沒什麼令人印象難忘了～對於這個品牌，原先有更大期望，可惜落差滿大

lucrezianoin好用推薦：質地好舒服, 睇落毛孔細左, 不過遮瑕力一般, 感覺上自然啲其實都ok. 附送既puff只係麻麻地好用.