DECORTÉ 好用推薦產品

Monkeyk好用推薦：我本身個人比較麻煩，同埋好鐘意試新嘢，真係會回購甚至空瓶嘅嘢數埋10樣都冇，但係呢支lavender rose# 10, 真係我回購咗而家用緊第四支，一去日本就會買，因為平啲，我本身皮膚混合性偏非常之乾，同埋長期瞓得唔好膚色好蠟黃，搽完佢之後成個氣息真係好好多，但又唔會白得好唔自然，如果懶唔化妝就咁搽佢已經可以提升氣息，如果要化妝搽完佢先化粉底都用少好多，不過有時去到冬天極乾嘅天氣搽佢係有少少偏乾，見到自己面頰會係有少少發霉嘅跡象，但唔多呢個情況(留意返我年紀都唔細,應該好小人好似我乾到咁)有一次買錯咗另外一隻色#01係粉底嘅顏色，都好用，我諗比較適合皮膚唔太黃嘅人，我都繼續試緊其他嘅替代品，想再平啲，但暫時仲未搵到🤭

Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！

Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品

kylie好用推薦： Decorté 粉底液可以做到成膜既效果，令佢十分乾爽，持妝效果都十分良好！夏天時使用都完全可以維持到晚上，會變奶油肌既狀態，冬天使用都唔會乾，持妝效果更好。而且質地很透薄，遮瑕力都足夠，但有暗瘡時不太能夠遮蓋。 #我的最愛粉底液

rachelnoni好用推薦：呢盒粉餅粉質幼細，遮暇度算高，但效果自然，搽後唔會有面具感覺。 但始終係粉餅，鼻頭會有抽乾感，用前要做好補濕

choichoi好用推薦：比較失望這款粉底掉妝比較快，掉起來很斑駁；除了透薄外沒什麼令人印象難忘了～對於這個品牌，原先有更大期望，可惜落差滿大

choichoi好用推薦：質地水潤透薄不厚重，貼服且滋潤。能提供中度遮瑕，泛紅和毛孔都不成問題同時能調整及均勻膚色，不易卡粉顯乾也是它的優點之一，容易產生細紋的位置例如眼周下方或法令紋也不會卡粉令其更顯著/加深或脫妝

Nicole好用推薦：ZEN WEAR柔霧持久美肌粉餅，N22色號 SPF20/PA++ 同同系列粉底液相比遜色不少。 單用作粉底的話一層會遮唔到毛孔，粉質細滑，但多次疊加加強遮瑕仍會厚粉。有加入保濕成分，但用後仍會顯乾紋（唔適合瑕疵肌…）。 當作定妝，用完同系列同色號嘅粉底液再上，會好控油但顯得妝感重。 結論：一般，相反同系列粉底液簡單易用性價比高。