SK-II 好用推薦產品

Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

Kathy Wai好用推薦：質地係帶珍珠光嘅乳液狀，推開好水潤，吸收得快，後續搽面霜都唔會搓泥。用咗大概兩個星期，最明顯嘅感覺係成塊面嘅光澤感真係提升咗！唔係油光，而係由內到外透出嚟嘅「嘭皮」光感，尤其素顏時睇，膚色均勻咗，冇以前咁暗啞。 至於最出名嘅美白淡斑效果，我本身冇明顯色斑，但嘴角同鼻翼嘅暗沉就有改善，整體膚色睇落乾淨、透亮咗，似皮膚底層「開咗燈」咁。膚質摸落去亦滑溜咗少少。 不過要提提，佢有少少「口水味」（其實係Pitera味），同埋價錢真係唔平。但如果預算許可，又想追求明顯嘅光澤同提亮效果，佢真係一支有實力嘅精華！

Fng好用推薦：SK2 小燈泡質地輕，唔會黐黐笠笠，搽咗聽朝起身，塊面白咗一度， 真係有效改善暗沉減黃。 我用咗兩年，每年用三支SKII，小燈泡升級咗，質地非常接近舊版，偏乳液狀精華，新版稍為更豐潤，更企身，感覺更保濕，一推開吸收極快。 新版明亮感明顯提升，有種搽完highlight 嘅效果，淨白粉嫩，減淡暗沉黃氣，皮膚有種飽滿透氣感，舒緩泛紅同改善粗糙，用完更透更滑，均勻改善色素效果更全面，仲收細毛孔。 老實講舊版用左兩年一直覺得效果都好好，估唔到新版都有驚喜。

Kitty 好用推薦：質地係半透明乳液狀，推開好水潤，唔會好黐立立。我通常用滴管吸一泵就夠搽全面同頸，輕輕按摩十幾秒就已經完全吸收，之後上面霜，秋冬保濕度啱啱好。 用後膚感： 最大感覺係皮膚彈性同飽滿度有改善，尤其朝早起身，面頰位睇落冇咁癟，有種嘭返起嘅感覺。另外保濕力都幾好，我係混合肌，T位出油少咗，兩頰又唔會乾，幾平衡。 緊緻效果： 我本身有少少Baby fat同下巴位鬆鬆哋，用咗一段時間，覺得輪廓有輕微收緊，唔算好誇張，但線條睇落精神啲，冇咁浮腫。 適合咩人： - 想改善皮膚彈性同飽滿感 - 需要輕度緊緻、去浮腫 - 混合至乾性肌膚（油肌可能夏天要減量） - 預算充足、想投資護膚品嘅人 整體評價： 因為係日系高端品牌，價錢的確偏高，但如果你係想針對皮膚彈性、輕度鬆弛同保濕，呢支精華幾有效。配搭神仙水一齊用，皮膚整體光澤同穩定度都好咗。不過如果主要想抗皺或者去紋，可能要再配搭其他產品。建議夜晚用，等皮膚修復；同埋一定要配合按摩，由下至上、由內至外推，效果會更明顯！

Fng好用推薦：SK-II SKINPOWER 能量精華✨奶白色輕盈乳霜質地，推開瞬間化水，吸收超快！唔黏唔笠，夏天用零負擔。混合肌T位唔會油膩，兩頰又有足夠保濕感，後續上妝仲更加貼服～ ✨效果與驚喜： 網上一致好評💡熬夜救星！用咗兩星期，膚質明顯更飽滿有光澤，嘴角同眼底乾紋有淡化。最驚喜係佢嘅穩膚力📢就算熱到出汗出油，皮膚都冇咁易泛紅或敏感，毛孔都睇落細緻咗！熟齡肌用後有種澎潤感，睇落減齡～ ✨適合邊類人： 混合偏乾➕️熟齡肌夏天抗老首選！怕厚重又想修護嘅人絕對要試。極乾肌可能冬天要疊加面霜。 缺點：貴🤑🤑🤑，唔算"強效"去紋，要配合其他重點抗老產品。 總結：除了價錢之外零缺點！ 清爽修護二合一！

Kmggigi好用推薦：SK‑II SKINPOWER 煥顏能量精華霜 — 水潤好推，用幾日已感覺到緊緻提升✨ 質地: 呢款精華霜質地偏固體，但一抹都算容易推開， 延展性高，搽上面好快吸收， 用完皮膚感覺舒服又有彈性。 效果: >持續用咗幾日之後，明顯感覺到肌膚變得更緊緻， 輪廓有少少提升效果，皮膚摸落都實淨咗， 有返彈力嗰種感覺。 除咗緊緻之外，皮膚狀態都穩定咗， 用完有光澤但唔笠，日頭夜晚用都無負擔。 總結：想要彈力同緊緻感，呢樽真係值得投資 SK‑II SKINPOWER 煥顏能量精華霜質地清爽又有效，用得舒服之餘又見到變化，想改善鬆弛同提升肌膚彈力嘅可以考慮入手✨ #火熱新品

Kitty 好用推薦：SK-II新出嘅大紅球面霜試用咗幾日，同舊版大紅瓶真係有啲分別。新版本質感明顯實在啲，偏向固態，似乳酪質地，無舊版咁潤澤，推開後吸收得好快，但對我呢種偏乾肌膚嚟講，就欠缺咗啲油潤感，夜晚用落覺得皮膚有啲掹住。舊版雖然潤澤啲，但感覺新款大紅球喺膚色提亮同緊緻消腫方面效果幾明顯，第二朝起身用面霜按摩，感覺塊面細咗一圈。香味依舊淡雅舒服。 如果係油性肌膚或者夏天用，呢款面霜可能會覺得太厚重，更推薦秋冬使用。不過個人暫時都係鍾意舊版多啲，尤其秋冬需要多啲油潤感。 #火熱新品

Lalahu好用推薦：我係睇中可收細毛孔買的，香味，乳液質感都係我喜歡的，上臉好潤，用一排會feel到臉部滑左，彈性左。

Tulip Chan好用推薦：推薦給乾皮敏感肌😬 缺水及敏感，補濕絕對不能少。 如果你同我一樣夏天喜歡選用小燈泡美白，又覺得小燈泡令你出現缺水情況，就要試下配合SK-II護膚精華作為神仙水之後，小燈泡之前的護理。含PITERA™ 成份和透明質酸，為肌膚充分補濕，能撫平肌膚紋理，皮膚水份足夠毛孔都收細埋，再無乾到標油嘅情況出現啦！ 水狀輕薄質地，吸收快，不黏笠，一揼已經足夠全面，日間能令妝容貼服無負擔。

unclecar好用推薦：有一段時間皮膚變好差，專櫃BA推薦嘅精華。 味道係玫瑰🌹花香，👨🏻唔係咁鍾意🌹花味嘅為咗想皮膚變返好啲照試，但用完成枝覺得除咗有啲潤，其他聲稱嘅效果完全無感覺。 最重要係價錢好貴💸💸💸，CP 值極低

choichoi好用推薦：金銅色外表非常注目，瓶子是採用按壓式，取用方便並衛生；精華配合按摩會比較容易吸收，有淡化細紋及帶來適當滋潤，但配搭這價位來說是整體沒有很驚艷