shu uemura 植村秀 好用推薦產品

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

Jasmine L好用推薦：透光瓶質地輕盈水感，帶精華般滋潤，推開易均勻，妝效自然透亮有光澤帶奶油感，遮瑕力輕薄自然，毛孔同細紋唔會明顯卡粉。修護保濕力不錯，皮膚感覺柔軟貼服，敏感冇刺激。 持妝度亦都唔錯，但香港潮濕天氣T字位半天後會有少少油光。整體輕透舒適，適合想日常水光自然底妝兼修護嘅女士使用。

Tszki好用推薦：Shu Uemura（植村秀）的粉底液 無極限超時輕粉底 提供自然的半霧面妝效，質地極致輕薄，有「會呼吸」的粉底之稱。吸油吸汗海綿狀粉末，有助於全日保持清爽不泛油光，不易氧化變灰。遮瑕能力中上，可疊加但不易卡粉或顯厚重。

Bendict好用推薦：因為之前皮膚狀態唔太好 可能寫嘅心得唔準確 而家好返就修改返以前嘅心得同評價😹 植村秀粉底 有分霧面同光澤 兩者差別在於光澤形 係比較潤 霧面嗰一支 冬天乾燥有少少難上🫠 呢一支光澤形 係比較適合秋冬天氣用 植村秀嘅粉底 兩支粉體都做得好細👍 化完個裝亦都非常貼 乾燥天氣亦都唔會卡粉 我用嘅色號係674 有提亮效果 😺但個人覺得光澤版 雖然比較水潤 但遮瑕力唔夠霧面果支咁好 持妝能力都係唔夠😿 但如果皮膚唔係瑕疵皮 用呢支粉底應該唔錯👌

Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。

Zoe好用推薦：一直用開植村秀嘅小方瓶 但由於冬天怕乾 所以試下轉用佢地粉底霜 意外地混油肌 秋冬天都好啱用 首先絕對唔會乾 亦都唔會斑駁甩皮 遮瑕力中等 瑕疵肌可以薄上兩浸 再加遮瑕膏都無問題 大半日後出油皮膚都好靚 會有種水光感 鍾意光澤粉底嘅 絕對推薦 下個冬天都會再回購

wintonggg好用推薦：還可以，粉質都幾滋潤，好帖服，不過個設計唔太好，要用手/刮刀整粉底液出來有D唔衛生，同埋都有D浮粉

Cy好用推薦：我好落心機嘅心得～希望可以幫到想買嘅大家(*´∀`)~♥，見呢隻粉底液嘅好評排名都幾高，同啲人話夠透薄同持久，所以買左黎試～ 。 好多粉底液都冇得揀咁多色但shu uemura有20幾隻色仲要係for亞洲膚色嘅色調，呢個表示wow好pro🤣～但同時太多色揀我都買錯左色，依家呢隻對我黎講有啲黃😭 。 講下質地先：擠左滴落手度試，粉底液流動性幾高，延展性幾好，佢係流質得黎又唔係好水個隻～而我習慣用化妝蛋上妝，上妝個陣質地幾易推開，但佢乾得好快，個人覺得隻粉底有少少乾～另外‼️如果有酒精敏感的話要留意👀呢隻粉底係含有酒精成份㗎！成份表第四位！！！妝感透薄程度，個人覺得都算ok有想像中好，幾輕透ლ(╹◡╹ლ)，有70分～！妝後皮膚係算幾舒服嘅～而妝感望落都唔太厚。但上完粉底後會有少少黐立，所以最好要用蜜粉定妝！ 。 遮瑕度個人覺得有65分，都算唔錯～可以一層層叠上，但如果多瑕疵就建議一定要用埋遮瑕產品啦！(左邊上完粉底加蜜粉)vs(右邊冇擦任何野) ##影出嚟因燈光效果可能有色差！個實色係偏黃，但遮瑕嘅程度都應該ok可以對比到嘅！ 。 有實測過乾燥熱天出完街又冇補妝情況之下，係有出油嘅，但出左

Jasmine L好用推薦：粉底液質地超輕薄水感，推開易均勻，等一陣會粉底液好似變左粉質咁，變左陶瓷肌妝感。遮瑕力輕薄自然，毛孔唔會明顯卡粉。 持妝度相墦唔錯，係我夏天必備嘅粉底。最鍾意係佢控油力強，就算香港春夏又濕又熱都唔會溶妝，只會夜晚T字位有少少油光。 敏感用都冇刺激，但偏乾肌要先加強保濕，否則長時間會有啲乾。整體極致輕盈，適合想搵自然底妝+控油力強嘅女士日常用。

LorraineTsung好用推薦：之前送既sample仔！ 乾皮超友好而且好持久！ 妝感都好靚！

lucrezianoin好用推薦：難得揾到呢支又自然, 遮瑕度又高既foundation! 搽左唔算好焗, 都唔會立次次, 可以hold到大半日唔使補妝!

Jane1111好用推薦：本人的毛孔大，一直尋找能遮蓋毛孔而不厚的粉底。 朋友推介此粉底液，說使用後有柔和光澤，能做出理想妝感。 於是本人到專門店購入此粉底， 發覺除了妝感好以外，還不致痘*。 本人現已購入第二支。 *本人為敏感痘肌，使用後沒有致粉刺及致痘問題

LorraineTsung好用推薦：好耐之前用過～ 印象中持久度都唔錯！ 不過有一次落妝後有敏感情況

Sze好用推薦：這支粉底液帶來的水光感效果突出，不過會有些氧化情況，而乾肌在秋冬季節需要混合一些滋潤精華液。 #底妝升級好物

timetohaveacupoftea好用推薦：乾肌必備！在冰天雪地下也沒有乾的粉底！ 膚質：冬天極乾性 質感：精華油+粉底液 遮瑕度：60% （只能遮住5成雀斑黑眼圈） 保濕度：907% 妝感：光澤肌 持妝度：6小時 Review: 在冰天雪地下，仍沒有沒有起法令及魚尾紋，在室內開暖氣的情況下面頰也不會覺得乾，利害！夏天全日開冷氣時，面部會感到很乾，我也會使用這粉底。 缺點： 如果面上有暗瘡，將會很明顯，因為這個粉底是有油，會把凸起的瑕疵反光變得更明顯。 優點：保濕！妝感貼服！