melissayang好用推薦：以前真的很愛用，但用多了就比較無感了，非常保濕穩定的一款產品，比較適合沒有什麼問題的皮膚使用。

inkitsung好用推薦：有效增強肌底免疫，令到肌膚冇咁容易受外來侵害～ 個人覺得最適合喺轉季，肌膚變得不穩定嘅時候用～ 質地輕柔唔笠快吸收，可以好有效咁減少皮膚泛紅敏感～

Kura好用推薦：我好鍾意用呢一款精華，質地非常清爽，搽上臉吸收好快，但價錢偏貴

Aivlys好用推薦：質地似清爽嘅乳液， 泵頭設計可以理想地控制分量， 因為好貴嘅緣故其實每次用都只捨得擠兩泵 😂 按摩上臉之後吸收速度中上， 由於精華輕身唔黏膩所以完全冇令皮膚有任何焗住嘅感覺， 喺使用感方面做得好好！ 效果方面就普普通通， 暗瘡印有變淡少少， 但速度同未用呢款精華時相比冇明顯差異， 可能淡印效果只係皮膚本身嘅新陳代謝啦！ 個人唔推薦期望美白嘅人入手呢支精華， 亦唔考慮回購。

Kura好用推薦：呢一款美白面霜好好用，用完之後膚色有明顯變化，有變白，滋潤度夠

Aivlys好用推薦：雖然係晚霜但勝在質地清爽唔黏膩， 少少就夠搽勻全塊臉， 吸收速度中等， 唔算吸收得好快， 但留喺皮膚上都唔會有焗促感。 保濕能力中上， 夏天用嘅時候開冷氣瞓都唔會塊臉乾曬。 遺憾主打嘅美白效果唔明顯， 冇特別提亮或均勻膚色嘅感覺。 唔會考慮回購。

Kura好用推薦：呢一支乳液好好用，搽上臉好快吸收，用完皮膚水潤又更加飽滿，膚色有變白

Aivlys好用推薦：呢支乳液嘅外形好靚， 粉紅色嘅流線形樽身既有少女心又有時代感！ 乳液本身偏水潤， 起初有啲擔心搽上臉會有黏膩嘅感覺， 但驚喜地發現自己係多慮咗！ 佢鎖得住皮膚水分之餘， 上臉之後完全冇黏膩或者焗住、「漿」住嘅感覺， 而且之後再上防曬、粉底等化妝品都冇「打交」！ 因為佢係主打美白功效， 個人覺得呢方面表現就比較一般， 冇特別提亮或美白效果， 然而如果學某某「名人」話齋， 將個畫面拉闊嚟睇， 佢本身依然係一支唔錯嘅日間乳液， 推薦！

Kura好用推薦：呢一支洗臉膏需要用嘅份量唔需要太多，加少少水就可以起到好綿密嘅泡泡

lingbb好用推薦：- 第一次用shiseido由white lucent開始 - 呢個系列香味我都好鐘意 - 白色狀加水起到好多泡，過水後塊面即時提亮、毛孔收細， - 長用真係有白到，可惜已停產

格仔餅公主好用推薦：係我數一數二覺得有美白效果嘅美白面膜，我多數會簡喺第日有重要場合先會用，佢保濕度唔算勁，但係用完之後即刻提亮同白左，臉色好好，同埋第日上妝好貼

Kura好用推薦：係我非常鍾意用嘅美白面膜，呢款美白面膜除咗價錢貴之外佢冇其他缺點