MENTHOLATUM 曼秀雷敦 好用推薦產品

貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜

A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。

Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 

FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。

Paris merci 好用推薦：Botanics系列面膜Mannings 買2送1 嘅時候買嘅，呢一款加咗茶樹精華🍵🍃 本身都冇買過呢個牌子嘅面膜，主要買潤唇膏。因為有一次長一粒暗瘡，但又唔出街，喺屋企樓下嘅萬寧買的。 質地一啲都唔黏，但係又唔會冇滋潤，好有清涼感覺，未必有好大嘅去痘痘功效，但感覺係有舒緩感受。茶樹味清爽，所有皮膚都適用。敷完洗咗面之後就覺得面部充滿咗水份，皮膚係一個最靚嘅表面狀態。裏便保濕，外面不油膩。第二日痘痘會好，好似慢慢退紅。如果以咁嘅價錢，都可以平平哋用，唔錯💕

km好用推薦：用完之後，皮膚有種「飲飽水」嘅感覺，保濕度幾高。面膜剪裁岩岩好，好服貼，完全冇凸起或者多餘位，唔使剪都可以直接用，好方便。價錢方面又平，性價比ok。 不過，如果想靠佢抑制痘痘就比較失望，用完之後痘痘冇明顯減少或者消退，茶樹成分對我嚟講作用唔大。 整體嚟講，當一款保濕面膜用就幾ok，我自己一個星期用2次，皮膚會覺得水潤舒服，值得推薦畀想簡單補水嘅人。