KISSME 好用推薦產品

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

YYeman好用推薦：Kissme防水纖長睫毛膏實測！香港悶熱天都頂得順 講真！呢支真係睫毛膏界嘅長跑冠軍🏃 我帶住佢經歷30℃+潮濕天 落雨流汗都完全冇化開～ 刷頭係微弧形設計 連眼頭眼尾啲短毛都刷到 膏體偏乾身 唔會一抽就結塊 新手都可以刷出根根分明效果✨ 纖長效果確實夠誇張 薄薄刷兩層已經變太陽花 想要自然妝感刷一層就夠 重點係完全零熊貓眼！！！ 不過佢個防水功能太強勢 落妝要用專門眼唇卸 敷足10秒先卸得乾淨 （試過偷懶用卸妝水 搓到眼皮痛都未卸曬😭） 持久度：★★★★★ 纖長效果：★★★★☆ 易卸度：★★☆☆☆ 性價比：★★★★☆ 總結：海邊/婚禮/流淚場合必備神器 日常用建議買棕色版更柔和～

wcm好用推薦：試過唔同款睫毛膏 我依然最鐘意呢款 不以暈染 上次去玩水上樂園都係用呢支睫毛膏 都冇暈染🫶🏻

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

Kitty 好用推薦：KissMe睫毛打底霜！唔使100蚊，由朝撐到晚嘅睫毛鐵柱係咁煉成嘅！ 喂！各位姊妹，想同大家分享吓我一路用左n支都肯回購嘅開架眼妝神物 —— KissMe持久捲曲睫毛打底霜！講真，我對睫毛膏要求好簡單：夠翹、夠持久、唔暈妝、唔蟑螂腳！呢支嘢？真係冇得輸！ 之前用開某大牌睫毛膏，下晝已經變落湯雞，暈到變熊貓！見到好多日本妹同台灣YouTuber都狂推KissMe呢支打底，話係油眼救星、塌睫毛恩物，所以買來試下，一試真係不得了！ 支膏體係半透明灰黑色，入面有啲好細好細嘅黑色纖維。刷頭係彎彎哋嘅，好貼眼型，連眼頭眼尾啲短毛毛都輕易掃到！質地唔會太濕笠，亦唔會一嚿嚿，乾得幾快吓。 我嘅使用步驟好簡單： 1. 夾睫毛（夾到最翹！） 2. 即刻！記住係即刻！掃上呢支打底膏，由根部 Z 字形向上掃，重點加強根部。 3. 等10-15秒左右，等佢乾透、定型（呢步好重要！）有需要的話可以再夾一次睫毛。 4. 再疊加上你鍾意嘅睫毛膏（我通常會再上一層黑色睫毛膏加強效果）。 💥 效果點？驚艷位喺邊？ 1. 捲翹度爆燈！💥 真係冇誇張！佢個定型能力超強！我啲天生向下生嘅直毛，夾完再上佢，真

Hellobeauty 好用推薦：真係好正嫁！我今想分享就係，回購好多次的Kiss Me Heroine Make 超持久防水激翹睫毛底霜，01 黑色 大家都知道睫毛底霜嘅用處係保護睫毛之後，再塗上其他睫毛液 因此，我為咗愛錫我嘅睫毛都會去購買睫毛底霜習慣。 自從搵到Kiss Me Heroine Make 超持久防水激翹睫毛底霜之後,我就將佢嘅優點用到極致, 因為佢係一支黑色嘅睫毛底霜,並不是透明睫毛底霜,而且質地好輕薄唔會好黏結,都可以做到根根分明黑色及激翹的眼睫毛效果 佢呢個自然效果絕對符合我日常簡潔嘅妝容,特別係需要配戴眼鏡嘅女士,有時塗上黏結感重嘅眼睫毛液,會有機會碰到鏡片從而出現尷尬情況；由於Kiss Me Heroine Make 超持久防水激翹睫毛底霜唔會出現此情況,我真係日日用佢,為自己偽造出天生烏黑激翹的眼睫毛 佢絕對係我開心share之選

Suki好用推薦：Kiss Me 的超級防水濃密眼睫毛液，結果有點小失望呢！這個睫毛液的防水效果確實很強，但效果卻讓我有點尷尬。 首先，它的包裝真的很可愛，粉粉嫩嫩的顏色讓人心情愉快，開心地想要試用。 #使用感受 不過，當我塗上去的時候，睫毛看起來有點厚重，像曱甴的觸角一樣，完全不是我想要的自然效果。雖然濃密是它宣傳的賣點，但對我來說，反而覺得有點太過了，妝感顯得有點污糟。 #防水效果 至於防水效果，我承認它真的很出色，一整天下來也沒有暈染。但如果要選擇的話，我寧願妝感更自然，而不是這種濃密得讓我有點不自在的樣子。

Lilyscl好用推薦：用完唔會太誇張，但要小心用量，重手左會有機會曱甴腳。最緊要係防水，唔會好易甩，夏天用都唔驚熊貓眼。性價比都ok!

Emma W好用推薦：Kissme 纖細睫毛液的持久、防水性非常好。而最緊要係防水加易卸妝，剛好依款就好適合。能夠整天保持不暈染，說算出一身汗都唔會溶妝。掃出極為纖柔、根根分明的睫毛，適合想要自然妝感的人。加上抹2下，就已經卸左妝，這大大減少因物理損傷眼部幼嫩肌膚，而增加的眼紋出現。由根原做起，防止大個生眼紋。 適合肌膚：任何 成效度：4/5 持妝度：4/5

_jc好用推薦：非常持久嘅睫毛膏，用咗成日都冇drop，沖完涼之後仲保持捲翹， 非常滿意😳

lkylky3003好用推薦：持久度是我覺得非常好 我試過很多款 不知道是我的手法有問題 還是天氣 出門一下子就塌下 這款可以維持一整天

Hillxx好用推薦：感覺跟同系列的睫毛液沒有太大分別，但效果明顯，睫毛更加濃密，效果不錯，普通睫毛液一支！！♡

皮皮爱马桶好用推薦：由于之前种植的睫毛都基本掉完了，最近化妆就用上了许久没有用的睫毛液。Kissme出过多款睫毛液，由于本人睫毛又短又细软，所以当时选择的是持久防水浓密睫毛液。 先上两张正面图:再上一张上睫毛液之前的图片，可以看出原本睫毛稀疏而且比较短(之前种植的睫毛还有一根顽强地竖着)用睫毛夹稍微夹翘一点，呈太阳花形状，夹得时候尽量保持睫毛干燥，如果浸到汗水或者护肤品就不太容易夹翘。接下来就上睫毛液了，用刷头突的这一面先简单薄薄地涂一层，如果喜欢根根分明的自然妆效，那刷1-2遍就够了；因为本人喜欢浓密一些的睫毛，所以就多涂了几次，手势顺着睫毛向上，往上拉长睫毛。厚涂的缺点是比较容易结块、苍蝇腿，不过远看睫毛变浓密、变长的效果还是挺明显的。 涂抹下睫毛时用刷头的部分一根根涂，变黑变明显的效果突出。一天用下来，下睫毛部分有一点点晕妆，可能和底妆比较油也有关系，上睫毛部分未出现晕妆，下次在上睫毛液之前刷一层睫毛打底液，效果应该会更好。 Kissme这款睫毛液比较明显的一个缺点就是，卸妆比较困难，也可能是因为比较防水的原因吧。本人用的眼部卸妆油，需要轻轻搓揉3-5分钟+洗面奶才能完全卸干净。总体来说，可以一试

格仔餅公主好用推薦：最近特價買算係抵用，做到濃密同豐盈既眼睫毛，加埋電睫毛器個效果會再理想d架👍🏻

Ednababe好用推薦：產品話有3種唔同濃密程度，但用落覺得無乜分別。睫毛膏未能夠hold到睫毛一日，好易drop，搽多兩下會厚，出現結塊。

victoria:)好用推薦：我見到好特別可以調節3個唔同位❤️ 我覺得搽完都算濃密既，眼睫毛都有延長既感覺，而且搽完唔會出現曱甴腳 但暫時防水功效都唔算勁， 同埋用完眼山唔會太捲 同埋要較到Full Volume 效果先會明顯少少

Ni好用推薦：無數網紅推薦的產品 試了一支又一支的我 優點是好上手 根根分明 不易結塊 缺點是我始終會脫妝 黑眼圈 出門根本維持不到一小時 最後放棄

Hillxx好用推薦：睫毛液比同系列的睫毛液多了聲稱的易卸效果，用後的確容易卸妝，搽後亦效果明顯，睫毛做到根根分明，整體來說不錯！！♡

Abbie好用推薦：Kissme dproducts都超級好～exp 眼睫毛液！用完d 眼睫毛超長超濃密！