Benefit 用家評價

首先好多謝@Cosme 獲得今次嘅試用機會，今次係試用BENEFIT 反孔精英無PORE粉底❤️ 膚質：中性膚質，T字位放工後先會明顯出油，毛孔明顯🥲同埋間中會生痘痘，所以keep住都會有一兩點痘印。 試用環境：室內辦公室 + 短暫戶外番放工搭車，溫度約 25-35°C。 上妝方式：基礎保濕 -> 防曬 -> 妝前乳-> 用Soloxx既台灣粉撲上粉底 本身都有用開佢嘅毛孔細緻霜，由讀書時期用到而加了，非常之好用，所以對呢個品牌一啲都唔陌生😊 今次試用嘅色號： 佢質地係唔算流動性好高，但唔係粉霜/膏狀，稀杰度中等，冇香味既。 以下係我嘅妝前妝後圖，明顯見到毛孔修飾能力係非常之好，好似開咗濾鏡咁。尤其是鼻翼兩側和臉頰的粗大毛孔，填平效果非常好，皮膚看起來平滑細膩很多，連額頭嘅細紋都撫平咗🥰 控油方面都做得好好，T區出油速度比平時慢，基本上喺Office嘅時間都keep住係柔霧既狀態，番工黎講都幾鍾意呢種低調啞光嘅霧面妝感。我返工基本上都會戴住口罩，收工除口罩都唔太多粉底黐喺口罩度。就算星期六日去足全日街，喺炎熱嘅天氣底下都冇嚴重溶妝👍🏻 遮瑕方面，我覺得係中度遮瑕，暗瘡

好開心入選左【BENEFIT 反孔精英無PORE粉底】試用活動，繼之前試過同系列嘅控油產品，今次對呢個七月中會推出嘅粉底液有好大信心，相信可以臉部清爽持妝咁渡過炎夏！ 【BENEFIT 反孔精英無PORE粉底】有84%護膚配方，包括有Niacinamide維他命B3、玫瑰果萃取，甘油，可以幫助強化肌膚水份屏障，長效控油保濕同時做到，令到持妝效果大大提升 今次選擇左自然偏亮白嘅色號「4N Wonder」，試上手感覺粉底液帶流動性，唔會好厚重，無論用手指或者粉撲都好易推開印開 ↑上妝前 ↑上妝後，妝感帶柔霧感，幾自然貼膚，望落有平滑效果，試用呢排正值咀角有敏感輕微甩皮，上妝後都修飾到呢個情況，叠加粉底液喺瑕疵位置都好容易，唔會太厚重，特別令到甩皮部份無咁明顯 ↑帶妝大約七小時實測，妝容keep到大約8成，有微微出油情況，但輕輕印走後，大致上無乜影響到妝容效果，而色調無明顯氧化問題 持續使用兩星期(呢兩星期天氣非常焗熱)，曾經試過用/唔用定妝噴霧，同有試過上/唔上蜜粉定妝 個人覺得唔上蜜粉定妝，只噴定妝噴霧 呢個配搭最適合自己，粉感無咁重，而持妝效果理想 最後，感覺粉底液不致粉刺

首先非常感謝@cosme選中參與今次試用活動，我收致既係3號色🙏🏻🥰 因為前排過年去左旅行，番黎試完7日可以正式分享了😙 呢款筆尖只有0.1mm既三叉眉筆可以話係結合左畫粉+一般液態眉筆，互補不足🫶🏻 佢只要好輕力咁畫就畫到一條條既仿真眉毛，好似平時液態眉筆咁。 大力少少就畫到比較粗身既線，用黎填補眉中既稀疏部分同空隙。 三叉設計可以大大減少左畫眉時間之餘，仲可以畫到好自然既眉頭，好容易就畫到而加好流行既立體野生眉😍 呢張圖係我朝9晚7收工後8點去做運動前影既，其實都冇咩點溶，都係好完整👏🏻 呢張就做完運動後影既，出完汗都大致上完整，其實睇落都冇咩分別😃 總結: 呢支三叉眉筆都幾有驚喜，筆頭非常幼細😍素顏同化妝都容易carry到，比眉粉更自然，更加適合新手初學者使用。 同埋由於我跌碎左個眉粉，帶去旅行跌到成個化妝袋都係去到酒店同番番黎香港都要大費周章去抹，我暈暈地🤦🏻‍♀️而今次呢支眉筆令我發現，以後帶佢去旅行就夠啦🥳🥳 自然度: 8/10 持久度: 9/10 容易使用度: 8/10 總分:8.5/10

感謝@cosme比我抽中試用Benefit最新推出【反孔精英無PORE粉底】 我手上得到的是4N色號，顏色適合黃1白皮膚使用，唔會有過白的感覺，黃2白使用的話會稍微偏白少少 本身膚質係油性，長年受脫妝及毛孔粗大既問題困擾，所以今次見到呢款粉底液都好大期望 未上妝 Day1上妝之後，發現修飾毛孔能力都唔錯，因為毛孔本身非常粗大，感覺呢款粉底液已經超乎我嘅期望❤️ 上妝後 係香港咁濕熱既天氣，出面氣溫超過33度既情況下，4小時既妝效依家非常良好，就連經常出油嘅額頭、鼻、下巴位置都保持得非常完整！ 4小時後 而8小時帶妝的情況下，只有鼻位有輕微溶妝的情況，稍為用粉餅補妝已經ok，實在非常持妝！相對平時其他持妝牌子的粉底液，呢一款反孔精英無PORE粉底液，效果實在很好 8小時後 在實際使用14天後，在B3的作用下，化妝後妝面出油的情況都有輕微改善，整體的出油量有減少，當然，粉底液是無法取代護膚品的用途，所以可以達到以上效果，已經令人非常滿意❤️ 希望各位油性肌的姐妹們，都可以試一試呢一款粉底液，等大家都可以體驗下夏天持妝的效果

反孔精英無PORE粉底 賣點一，84%護膚配方持續使用能使毛孔膚質更細緻。我連續用了8天，暫時沒有看到毛孔大小的改變。但我覺得作為一隻持妝的粉底來說，他在皮膚上的膚感不悶，不倒拔乾，反而覺得是清爽的。不過，我個人感覺粉底裡的護膚精華並沒有特別滋潤。 賣點二，防水，防暈染，防褪色，持妝24小時。我覺得沒有防暈染，防褪色。不過，作為一個混合偏油肌，我覺得持妝力算不錯。早上8:00到晚上7:30，坐冷氣房，鼻翼稍微有出油。早上8:00到晚上9:00，進出室內外，都是用粉餅補了一次妝。 遮瑕度，中等，可以疊加。下面是素顏的照片， 用粉底鏟和粉底刷上了兩層，先上一層可以遮住發紅的位置和淺色的痘印，再疊加了一層，可以遮住7-8成的瑕疵。前後對比的毛孔有平滑一點，但效果不算出色。來讓大家看一下兩邊的差異，我覺得效果很可以了！左邊是剛擠出來的顏色，右邊是10分鐘後的顏色，抗暗沉的效果很不錯，只是深了一點點，作為持妝粉底液是很不錯的。總括而言，是一隻適合混合肌和油肌的粉底，但也需要看皮膚狀況，如果有掉皮的時候，還是會卡粉的，但遮瑕效果不錯，用粉底刷上會更高遮瑕力。可以薄薄疊加1/2層提升遮瑕力。

之前見過仿毛流感嘅眉筆已經好有興趣，今次見到benefit都有出即刻覺得好興奮好想試。拎到上手試畫，完全冇令我失望，好想推介俾所有眉毛有缺角或者眉毛部分稀疏嘅人！ ✅出水順暢易操作筆杆係三角形設計，易控制唔會冼手。筆蓋都幾實唔驚放喺化妝袋會甩蓋。筆尖好幼細，三個叉筆尖只有0.1mm，一筆就可以畫出三條幼細線條，畫眉更有效率。 如果眉尾部分想收尖可以90度轉向用側面畫，就唔會一次過畫三條線。但唔知係每枝都係咁定只係我嗰枝，佢毛嘅另一側係分成咗兩條，所以就算係用側面都會係畫出兩條線。如果對眉尾要求一定要好尖嘅，可能要配合其他眉妝工具。 ✅ 濃淡適中線條仿真喺手臂本身冇毛嘅地方畫出嚟係呢個效果。 Benefit呢枝激細三叉眉筆有好多隻色可以揀，由深到淺，又分冷暖棕色，更加容易搵到啱自己嘅顏色。新手揀淺色啲冇咁容易出錯，出嚟效果都會柔和啲，相對高手們同埋本身眉毛深色濃密嘅人就可以揀深啲，咁先足夠填補缺角位置，畫出更鮮明立體嘅仿原生毛髮。 我本身有稍稍漂淺眉毛嘅習慣，同埋多化日系妝想要柔和效果，所以選擇返中間偏淺嘅色號，今次收到嘅就係3號warm light brown，唔會太紅又有少少a

本人肌膚容易出油，有暗瘡，額頭和臉頰毛孔比較粗大。很多時候T字位一上妝就浮粉，鼻會脫皮，導致妝感補不貼服。無論上妝前如何補水，即使是出名的專櫃底妝品牌，都有以上情況出現。 謝謝Cosme給予機會試用Benefit反孔精英無pore粉底色號9C Supreme Light medium Cool，一用有驚喜！ 妝感： 非常貼服透薄，特別適合我混合性偏油的皮膚。出奇地，我在沒有特別補水的情況下，上妝後沒有浮粉，鼻竟然沒有脫皮，只是鼻翼兩旁有輕微浮粉，但我本人鼻翼毛孔粗大難上妝是常見，這個底妝已經非常不錯。 它是霧面質感，而且感覺乾身，非常適合油肌和香港天氣。 如果是乾肌，就不推薦使用，應該會太乾。 遮瑕度： 以上了一層粉底的情況來說，可以遮蓋7成的黑眼圈，效果不錯。因為選的粉底顔色比我原本的膚色暗，如果我選亮一度，整體膚色提亮度會比較好。 此外，一定要知道適合自己的底妝顔色，我請朋友和我一起試，她和我的膚色差不多，但她上妝後會顯黃，可能是因爲冷暖色不同所導致，一定要先去門市試用後才購買。 持久度： 要噴定妝，噴完定妝後可以維持6-9小時不脫妝。若沒噴定妝，維持度不算出色。在香港這

首先要多謝@cosme揀咗我🧡 先講下我本身嘅膚況：我本身係混油皮，t區會出油，冇乜毛孔，但有黑眼圈，亦有膚色不均嘅問題，臉頰兩邊有雀斑。 呢款BENEFIT 反孔精英無PORE粉底係主打保濕長效持妝，粉質細膩易推開，妝效貼服，而佢嘅持妝確實冇令我失望，戴妝十二個鐘，只係眼鏡托嘅位置同出油太勁嘅鼻翼兩邊甩咗妝，但恐怖嘅斑駁並冇出現，用紙巾印一印就可以，亦冇明顯嘅分隔線。 但可能我本身prefer透薄妝效，所以對我而言會有少少厚重，但佢嘅遮瑕能力我覺得係夠嘅，佢可以遮咗八成我嘅黑眼圈。 不過佢有可接受範圍內嘅暗沉，可能本身粉底色對我已經有少少偏黃，所以戴妝太耐，暗沉後就會黃得比較明顯。不過因為我冇補妝嘅習慣，所以冇點理佢，我相信用少少散粉係可以改善到嘅。 總括嚟講，我係滿意呢個BENEFIT 反孔精英無PORE粉底的，亦推薦大家不妨試試👍🏻👍🏻BeforeAfter 12 hours after

首先，很開心能被@cosme 抽中有機會試用Benfit新推出的「反孔精英無PORE粉底」。先前自己都有使用過benfit 有關眉部的產品，效果不錯，因此對品牌其他的化妝產品都有一定的信心及期待。 是次試用的粉底液色號是「5C Confident」，粉底液唧上手時有少許流動性，感覺不算厚重。 ⬆️這是本人未上妝前的皮膚狀況，屬混合性油肌，T字位置易出油，毛孔較粗大。 完成日常洗臉及基本護膚程序後，便開始將粉底液塗上全面。⬆️這是上妝後的皮膚情況，是次上妝本人直接用手指將粉底液推開，過程亦不太難推開。粉底液的妝感帶少許柔霧感，感覺尚算自然貼膚。本人部份的毛孔亦被遮蓋，令皮膚狀況看上去修飾得更健康，亦不會不自然。⬆️經過7小時左右後的測試，回到家發現妝容大致能保持，皮膚有少許出油，色調的氧化情況亦算輕微，用紙巾輕輕印走油後，亦不太影響妝容效果。 總結：經過兩個星期左右的測試，過程中，本人曾用蜜粉及沒有蜜粉定妝，粉底液的粉感不算厚重，在夏天炎熱的天氣亦不算負擔太重，而且使用粉底液後的膚況能維持穩定，不容易有粉刺。

一見到廣告已經超有興趣試 因為呢個牌子嘅毛孔妝前真係好好用 抽到真係好開心 我呢隻係1c號色 偏粉調 上手已經見到遮瑕程度好高 杰身冇乜流動性 肉眼可見比較霧面 上面之後好似氧化左0.5-1度色？ 感覺係黃左少少嘅 不過由於早排泰國黑左少少翻嚟 所以氧化之後反而均勻左膚色 上一層已經遮到七八成 毛孔位唔使講 好明顯修飾得比其他粉底好 我鼻翼位毛孔比較大 用乜嘢粉底都解決唔到 但呢支一步到位 因為我冇用佢個枝毛孔妝前 但做到呢個效果真係激讚 持妝方面效果都非常驚喜 我一般大約兩三個鐘左右T字同下巴就會輕微出油 呢隻粉底都唔例外 有幾次都全日冇補妝同印油 六個鐘頭T字位已經好多油光 但望落去都好自然 似韓式個種油光 紙巾印走之後 紙巾上其實甩粉唔多 只係好輕微嘅黃色（同其他粉底對比好大） 印完妝容又變翻好靚 起碼仲有八九成妝係面 係完全完全冇溶妝甩妝 可以見到我係爆汗都冇甩 呢點好多聲稱防水嘅粉底都做唔到 如果補一兩次妝相信可以全日都好似岩化完個陣咁靚 色號再多啲選擇就完美

感謝是次有機會使用，Benefit反孔精英無pore粉底液粉底！色號：8w limitless light warm-peach賣點除咗可以遮瑕，遮住毛孔，仲可以護膚！ 有維他命B3配方，可以緊致毛孔，保持濕潤～呢支粉底液唧出黎既質地偏杰身，可以多次疊加作遮瑕用途。⬆️未上妝前⬆️ 本人膚質混合性油皮膚，毛孔較粗大，尤其是兩邊面頰毛孔大，而且T zone較易出油。夏天炎熱天氣，更容易化妝幾小時後出油。⬆️使用後⬆️ 粉底液係霧面質地，唔黏笠，可以遮到毛孔。多次疊加可以遮黑眼圈。⬆️使用12小時後⬆️ 當日出門後去左戶外活動，超大太陽下出汗，34度暴曬情況之下，亦無出現浮妝情況。 雖然大油肌都係依然出油情況，但印去面油，妝感仍然持久，沒有過份脫妝，仍能遮住毛孔。

多謝 @cosmo @Benefit 邀請試用 反孔精英無Pore粉底 Light Cool色 84%的護膚配方 有維他命B3及玫瑰果萃取 皮膚狀況如下： 夏季：T位油，U位中性 冬季：T位偏油，U位中性／偏乾 鼻翼毛孔極大，兩頰近鼻翼毛孔較大 鼻易紅有粉刺黑頭問題 黑眼圈嚴重，有少許色斑 色號：黃一白 Lancôme用PO 01 質感：在手上不易流動，看似厚重但其實不厚而且易推開，很絲滑（但在臉上較難，建議在手背推勻）不算太速乾，手上很好擦掉，以一款持妝粉底來說，相對保濕也不會乾 妝感：自然，不假面，偏霧面但不啞 用粉撲上,用粉底掃的話應該會更加自然 遮瑕度：中，可以遮比較淡的斑點和黑眼圈，對於比較突出的暗瘡或深印需要疊加 可局部疊加大概兩次最多三次 眼下有細紋的位置也沒有卡粉 紅印：可能需要兩次疊加 毛孔：比較細的毛孔是有完全覆蓋 大的毛孔仍需一些手法作輔助才可以，鼻子出芝麻粒亦在可接受的範圍 比較驚喜的是沒什麼暗沉（測8小時左右） 在炎熱的天氣底下，鼻頭會有些許脫妝 但是兩頰仍然保持得不錯，包括戴口罩及流汗 目前使用後是沒有導致其他新的粉刺出現 今次我是配合了他同

多謝cosme抽中我試用未推出嘅Benefit全新反孔精英無PORE粉底。 我係混合性偏乾皮膚，T字位出油，兩頰乾，有痘印。 粉底介乎cream同lotion中間，不會流動但有延展性。氣味方面剛唧出黎有啲指甲油味，之後就聞唔到。我習慣上粉底前會做保濕同防曬，再將粉底點幾點上面，用一字掃掃均勻，再用舒夫蕾海綿印開壓實粉底係皮膚上。上完粉底膚色均勻左，都遮左大部分瑕疵，比較深色既痘印要再用遮瑕膏先遮到。毛孔唔覺得有比較隱形。6個鐘後，嘴角同下巴開始浮粉，鼻翼兩側開始卡粉同出油。10個鐘後，下巴同法令紋嘴角位置浮粉更嚴重。鼻翼兩側都開始浮粉。11個鐘後，浮粉更嚴重。總括來說，粉底沒有氧化，但不太持妝，對於我是混合性皮膚，又長期在有冷氣地方，偏乾和偏油的位置都會容易浮粉。可能要再加強皮膚保濕再使用會較好。

感謝@cosme 的邀請~ 今次試用嘅係BENEFIT 反孔精英無PORE粉底 主打精華養膚，化妝之餘亦能夠收細毛孔，一舉兩得！同時能夠長效保濕不脫妝！ 今次試用嘅色號係4H ，偏自然白和暖色 上手的質地較為乾爽，不黏立，容易推開防水防汗效果不錯！未上妝前毛孔較粗大，膚質暗沉，面上有較明顯泛紅及粉刺上了一層 BENEFIT 反孔精英無PORE粉底後，膚色較均勻，遮瑕度中上，泛紅及微絲血管等都能夠遮蓋，毛孔遮蓋度高 粉底屬於不黏笠的霧面質感，控油能力佳 帶妝一整天後，持妝力不錯，但亦開始輕微浮粉 總括而言 BENEFIT 反孔精英無PORE粉底 遮瑕力及毛孔修飾力較高，但帶妝後並不會出現奶油肌效果，不過粉底色號多，不易暗沉氧化，值得一試！ 

多謝 @cosme 抽中我試用本產品，首先要讚下呢個産品色號都算多，可以揀到一個啱我嘅色號。泵裝，所以泵出嚟份量都叫適中 試下推開，係容易推嘅，而且唔會好快就變乾，之前有用過其他牌子，推開完未搽晒全塊面已經乾咗。 上咗面顔色都幾啱我，有少少紅潤感，唔會死白。唔會過油唔會過乾，不過係好似無乜滋潤感。 至於遮毛孔嗰方面都尚算ok, 雖然近睇都仲見到有啲毛孔。 八小時後，妝容仲喺度，不過就泛油左啲。但就冇乾同卡粉同甩皮。整體黎講，係中規中規，顏色都滿意。不過夏天始終容易出油，對粉底液黎講都係挑戰