Benefit

毛孔水份導入精華（爆水泡泡珠）

Benefit新出毛孔水份導入精華，一邊保濕一邊調理毛孔，推薦！

見到一粒粒珠珠，每粒裡面都有油分，係一支水油混合嘅注水精華。

注水力滿分。係皮膚特別乾燥嘅日子，用佢就最啱啦，水油混合先可以平衡皮膚狀態，唔會因為太乾而出油，唔會因為缺油容易流失水份。（咁當然佢唔係巿面上最滋潤嘅精華，但我覺得佢係一支唔錯嘅打底補水精華。）用完之後皮膚感覺潤咗飽滿咗！

我最鍾意呢啲精華裏面同時有輕量嘅酸，所以塊面有傷口嘅話搽上去會有少少拮拮地。佢嘅酸好輕量，刺激嘅感覺好快就消失，味道上都唔會有任何酸嘅痕跡 。日夜使用呢支精華可以持續調理角質，加速代謝，配合塊維他命B3嘅修護功效十分好。 比起一啲含酸量比較多、同樣調理毛孔 嘅精華 ，願意持續使用呢支嘅動力大好多。

用咗一段日子皮膚有光滑咗。日間用完上妝貼服，即使有油分都唔會痴笠笠，唔會起屑。佢嘅質地真係好易推！

不過瓶口設計唔太好，倒啲精華出嚟唔太方便呢。