OLAY

新生高效緊緻護膚霜 (Super Cream)

謝謝 @cosme 抽中今次試用～收到Olay super cream之後試用咗兩星期有多，大致覺得幾好。
一打開就有聞到陣淡淡香味（怕護膚品有香味嘅建議去聞下先買），質感易推唔厚重，但都唔會薄到搽完好似冇搽咁。保濕功效合格，天氣變乾都可以保持肌膚水潤。始終呢個面霜油分唔重，好怕乾嘅可以搽多少少，本身上咗幾款精華已經好潤嘅話，薄薄搽一層都足夠。

最鐘意Olay super cream裡面有胜肽 Peptide！貴價精華成分有peptide都常見，面霜都有好少見。達到理想效果要一直用先睇得出，用咗兩個星期之後肌膚都好穩定，十二月轉天氣、出街吹大風都唔會覺得乾。Peptide 主打提高緊緻度，通常用完呢類精華塊面會即刻平滑咗，冇咁黏笠。Olay super cream都有少少相似效果，搽完其他好潤嘅精華之後，再搽面霜就好似平衡返塊面個質感，同時有效鎖住水分。

分享一下before & after睇睇即時效果
啱啱洗完臉乜都未搽 & 搽咗一層面霜
乾紋/細紋即刻淡咗 Nice!
Overall覺得幾好用，保持水潤又唔會好厚重，亦感受得到Peptide嘅效果。抗老產品要堅持用先有好效果，唔可以急功近利，呢款面霜算性價比高架，推薦入手。