Benefit

滑溜毛孔去角質粉（毛孔打磨粉）

Benefit呢個新出嘅滑溜毛孔去角質粉十分推薦！清潔去油：
我會比滿分，洗完塊面好乾淨，洗走毛孔表面嘅油脂，唔會有黑色一點點。

去角質：
十分推薦。洗完明顯感受到皮膚冇咁粗糙，唔會摸落去仲覺得有一層污糟嘢，感覺好清新乾淨。加少少水都已經起泡，少啲水就濃稠啲，磨砂力度會大啲，加多啲水泡泡就會綿密啲，方便我視乎肌膚狀況嚟調整自己嘅洗面方法。比起市面上其他洗顏粉，可以調整磨砂力度呢個特質幾好用。

調理毛孔：
過水之後，平時閉塞嘅毛孔會打開多咗，唔會好似平時用洗面奶洗極都洗唔郁啲毛孔咁。啲毛孔打開咗就方便我再做深層護理，例如用清潔泥膜 ，會令成個清潔效果更加好。 咁樣清潔毛孔可以事半功倍，堅持落去相信毛孔會變得更細緻！

使用感受：
啲磨砂粒粒唔算好刺激 ，變咗泡泡之後溫和好多，但清潔效果照舊 ，唔錯唔錯。

整體嚟講係推薦嘅！ 唔想面部堆積角質嘅朋友可以一試 ～