M.A.C 好用推薦產品

Tszki好用推薦：高保濕養膚，質地輕盈透氣。上妝後呈現自然透亮的「貴婦光」，即使在乾燥氣候下也不易卡粉或起皮。 有效遮蓋 7 至 8 成瑕疵，毛孔修飾力強，呈現精緻的柔霧妝效。 這款粉底液服貼度極高，能自然融入膚色，適合乾肌撐過一整天。

Kura好用推薦：呢款粉底液對於乾性肌膚都好友好，夏天用控油效果都唔錯，遮瑕度中等

布吶吶好用推薦：MAC 專業無暇霧鏡氣墊粉底 (Studio Fix Everywear Cushion) 色號 N12 嘅用後感 包裝 & 第一印象 經典黑色漆面盒，不過依然係指紋收集器。呢個係「補充裝連盒」嘅設計，用完可以就咁買補充裝替換，都算幾環保同慳錢。佢塊粉撲係黑色嘅，厚薄適中，彈性唔錯，上臉唔會「食」咗太多粉底。 N12 喺 MAC 嘅色號嚟講，屬於 N (Neutral) 中性色調，偏粉調嘅最淺色之一。 · 適合咩人？ 如果你係 白皙肌膚，或者你平時用開 MAC 嘅 Studio Fix 粉底係用 NC15 (或者更白)，呢個 N12 會好啱你。佢唔會過分偏黃，上臉係好自然嘅提亮，白得嚟有氣色，唔會面具灰。 · 暗沉度？ 佢聲稱有抗污染同抗氧化成分，實測全日落嚟，暗沉情況唔算明顯，大約只係暗沉半度左右，屬於可接受範圍。 妝效：真係「霧鏡」？ 佢個名好矛盾，又「霧」又「鏡」。實際上佢係 柔霧妝效，但帶有 低調光澤感。 · 遮瑕度： 中高。輕輕拍一層，毛孔即刻隱形，黑眼圈同紅印大概遮到 7-8 成。佢好適合 「疊加」，喺泛紅位置再拍多層，都唔會顯得厚粉或者卡粉。 · 質地：

oy 好用推薦：呢個cushion上面好快搞掂底妝 但係有啲浮粉 完妝幾個鐘之後面珠墩個位會有啲浮 而且啲色偏黃 同埋暗沉有啲明顯 自帶粉撲麻麻哋好用 上面之後用其他粉撲拍開效果比較好 單純追求高遮瑕嘅話呢款都可以

Coco Ng好用推薦：非常貼，妝感不重，有遮瑕，適合乾肌用的粉餅，推薦！已回購兩次。

wintonggg好用推薦：會話上妝方便快捷，比另外一系列（全黑盒）稍微好小小，冇咁乾，但質地都係偏乾

Bendict好用推薦：我十幾年前開始用MAC 嘅產品 當時mac嘅色號 男仔好難揀得啱 因為當時mac嘅產品顏色對於亞洲人嚟講一般偏黃 到呢兩年再重新試用mac 粉底嘅色號改善咗好多 色號我用NC25 粉底遮瑕能力高 但粉體細緻度一般 修飾毛孔效果高 但始終有一個問題 就係texture偏乾 我用170s 粉底刷上妝 推得比較薄 但因為男士嘅色號選擇仍然比較少 上咗妝終仍然覺得有少少偏黃😿 試過NC20 顏色太過白😅 如果用其他方法上妝 處理得唔好好容易會有面具感 持妝能力高 夏天用持妝可以超過八個鐘 但男士如果買要試清楚色號👍 下圖： 上邊為 植村秀unlimited 674 下邊為 MAC Studio Fix NC25

Kitty 好用推薦：呢款霧鏡粉底我真心覺得係混合肌嘅恩物。 質地方面，流動性好高，輕輕一推就勻，唔會話好快乾住。妝感係自然柔霧，唔係死白嗰種，似天生好皮膚再打咗層柔光咁。遮瑕度中上，暗瘡印大概遮到七成，疊多層都唔會厚粉。 控油持妝最驚喜——而家呢個天氣，朝早化妝到傍晚，T字位只係微微出油，用紙巾印一印就還原，完全唔會斑駁溶妝。最緊要係唔氧化，收工個妝仲同朝早一樣色。 不過乾肌朋友要留意，妝前保濕要做足，否則鼻翼可能會有少少乾紋。我自己混合肌，用濕美妝蛋上妝就啱啱好。 包裝係泵頭設計，好衛生，一泵就夠全面。價錢三百幾，以專櫃粉底嚟講性價比好高。總括嚟講，追求全日清爽又自然柔霧妝感嘅，呢支值得入手！

wintonggg好用推薦：唔知係咪我用嘅方法問題，我覺得好乾，無論係做底妝定補妝都覺得好乾，同埋佢個氣墊設計得好差🥲其實就一舊海綿，都唔係氣墊，所以整體都覺得麻麻地

choichoi好用推薦：對於T字位置很容易出油的我，這個粉餅大大提升了妝容的持久度外，也變得不易浮粉且貼服很多；在使用這個前我會先好好補水再用乾透粉撲上，記得要慢慢輕按，膚質即刻帶來可視的啞光霧面感，毛孔也通通給你收起來，是粉餅版的「美圖」App👍🏻更驚喜之處：在溶妝後它會給予你點點奶油肌感，整體妝容不會變得斑駁，這個用完後我會選擇再次回購的

missp好用推薦：上面個下都貼，保濕度一般 遮瑕度都一般，雀斑黑眼圈遮唔到 但一般膚色不均泛紅嘅問題就遮度 妝感靚唔靚好睇皮膚🤔 皮膚比較乾嘅時候，瞓上面耐左會浮粉🥺 皮膚比較好嘅時候，妝感咁都幾靚 但整體一般，唔會回購

Pinky好用推薦：NC15，畀我本身膚色自然偏白小小 全面拍一層均勻左膚色，再加一層可以遮多少少瑕疵 兩層後有中度遮瑕，泛紅微絲血管都遮到大部分 嚴重黑眼圈同色斑遮唔曬，要再加遮瑕膏 唔好意思想太厚，本身乾性皮膚，過幾個鐘之後好容易會戟粉 雖然佢標榜保濕，但都係比較容易cake粉，用之前要做好保濕，同埋要薄薄地咁用

natanatalie好用推薦：適合油肌的氣墊粉底🥰 一直覺得香港呢啲潮濕天氣，我呢啲油肌用唔到氣墊粉底，直到我揾到呢個氣墊粉底！🩷 之前有用過同系列粉底液，覺得好清爽透薄又控油，呢隻氣墊粉餅有同樣效果！以專櫃嚟講，佢唔算太貴。上面感覺一啲都唔厚，無氣墊粉底嘅厚重感覺，反而覺得都幾薄，唔會有粉痕，好自然透亮感！🙆🏻‍♀️ 最欣賞佢有高系數防曬，而且遮瑕度都唔錯，但一啲都唔厚，推薦俾油肌！🫶🏻

royu3好用推薦：功能基本上與霧鏡粉底相若，比前者更透薄，使用上更方便，無論外出補妝、還是匆忙上班，都能迅速完成底妝！ 在同類型氣墊底妝產品當中，擁有較高遮瑕度，有大瑕疵的地方多按壓幾下，有非常好的遮瑕效果⭕️（見黃圈）不過相對其他氣墊粉底，感覺水感度較低。在帶口罩的日子裡，經過一整天時間出汗、出油等，在臉上出現輕微卡粉、毛孔有白點的情況❌ 我對它的印象是很不錯👍🏻不過霧鏡粉底和這個氣墊二擇一的話，我還是會選粉底～

freezingheart27好用推薦： 這次是自費試的氣墊，一直都很想試這款，選擇的色號是light plus 看過一些評測它是會比平常用的氣墊偏白，但色號感覺上有點難選，一來是不多色號，二來是如果怕暗沉又要選白一點，但一出來可能就會變更白，最後選了個比較多人選的色號試下。 包裝跟其他氣墊差別不大 粉撲是會比較吸粉的類型，所以不好一下沾太多，但厚薄度手感不錯本身是混合性膚質，春夏天泛油，秋冬偏乾 有暗瘡印、色斑、毛孔粗大嘅問題 左面是已上粉底，右面是素顏 遮瑕度約七成，上了一層明顯白了一度 所以如果需要上碎粉，請盡量選擇透明 感覺遮毛孔效果不錯，但鼻頭易積白芝麻 如果毛孔粗的請使用可遮毛孔的primer此款看來不太適合我，色號配合上有點困難，但仍推薦皮膚較白嘅女生 最後謝謝大家看完

wintonggg好用推薦：個人覺得lightful係mac最保濕嘅底妝系列，氣墊出街補妝好方便，同埋個墊都幾好用，不過個人覺得佢暗沉得比較快，同埋一直都覺得mac嘅粉底液好似有D偏黃，除左D好白嘅色號例如N12，所以可能要買白一兩個色以防佢氧化暗沉，保濕度同其他大牌氣墊差唔多，不過性價比應該係大牌入邊比較高嘅一款，可以入手

pigpig好用推薦：普普通通不過不失，我是油性肌，用後面上有粉感，不太舒服，但出油情況能受控制，遮瑕度算高，痘印和黑眼圈都能遮蓋。