kk好用推薦：冬天用嘅時候好貼服啦而且亦都令到粉底液更加貼服

Hazel好用推薦：有保濕感，亦有提亮度，令塊面好似有光澤左，但如果再上底妝就遮左啲光澤，而且冇防曬度，搽佢前要搽防曬打底，如果一時重手好易出擦膠碎，冇想像中咁好！

Aivlys好用推薦：早前Laura Mercier改版咗呢款明星妝前底霜之後， 有推出一個根據自己需求去換領試用裝嘅活動， 我本身有毛孔粗大嘅問題， 所以攞咗呢款可以柔焦毛孔嘅妝前底霜試用。 用前覺得相當驚喜， 佢遮蓋毛孔嘅效果真係好明顯， 但又唔會有粉粒填曬落啲窿嘅感覺， （毛孔人應該明白我講咩 😂 如果咁幸運唔明嘅話可以想像成為將綠豆塞落蓮藕裡面嘅情景 🤣） 毛孔望落平滑咗好多！ 而且持妝度亦都好好， 戴口罩戴咗成朝， 中午食飯除低嚟都冇咩粉底印咗落口罩度， 喜出望外！ 而且呢款底霜係無矽配方， 較少阻塞毛孔嘅憂慮， 令人用得安心又開心， 推薦！

stephan好用推薦：T字位好易出油，用完好保濕，而且質地清爽唔笠，上粉後好貼妝

Hazel好用推薦：佢應該冇防曬度數，所以用佢之前我會搽咗防曬先，如果皮膚唔多瑕疵，其實之後搽佢再上碎粉已經可以出街，如果唔係我會覺得個底妝太厚。

mandy好用推薦：Laura Mercier foundation primer 這是很不錯的保濕型隔離霜，適合不同膚質使用，使底妝更持久，而且添加了優質的護膚成分 含保濕成分: 丙二醇, 大豆油, 素方花油, 蜂蜜 及 茶葉萃取 抗氧化成分: 維他命C棕櫚酸酯, 棕櫚酸維他命A, 維生素E 及 茶葉萃取 鎮靜消炎成分: 尿囊素 及 素方花油 油性滋潤成分: 大豆油 及 薰衣草油

greenk好用推薦：呢枝比較適合想輕微調整面色同搽防曬就出街嘅人～ 質地比較水，好易推得黎唔會好厚👍🏽 不過正正因為咁，所以建議要上多層蜜粉先好出街，如果唔係會痴到成面塵😇 遮瑕力方面可以話係非常低，只可以遮到好輕微嘅瑕疵（例如微血管之類），所以如果塊面冇乜野要遮，又想好快搞掂個妝都可以考慮呢枝～ 我買嘅係50ml，可以用好耐好耐好耐😂

LPM好用推薦：水潤易推 當搽個有色防曬 叫有d spf安心d又tune下面色咁 落一落街ok 出全日唔建議 因為佢會氧化得幾勁

mandy好用推薦：Laura Mercier foundation primer . protect SPF30 PA+++ 保留了 Laura Mercier 妝前隔離霜的足夠保濕度, 而且防曬功能也很不錯 (SPF30 PA+++) 。 要知道有些粉底沒有加添防曬成分, 所以一定要配有防曬成分的隔離霜。 質地是水潤度優秀的乳狀質地, 均勻塗上臉後, 很快被肌膚吸收, 沒有油膩感。 注意並沒有調色功能。 推介給重視保濕及防曬的人士。 含防曬成分: 帕索 1789, 桂皮酸鹽, 歐托奎雷 及 二苯酮-3 保濕成分: 甘油, 乙基己基甘油 及 聚乙二醇-8 肌膚修復成分: 甘油 鎖水成分: 甘油 抗氧化成分: 維生素E, 維他命C棕櫚酸酯 及 維生素C (抗壞血酸)

Hazel好用推薦：佢有SPF30/PA+++嘅防曬系數，基本上，當佢防曬用都可以，尤其係如果你唔諗住化妝，只係想搽防曬，然後提亮下皮膚就可以諗下用佢。我尼排都可能比較少用粉底或上底妝，出門前保養最後一個步驟用佢就夠，佢有一定嘅防曬力，又可以微微提亮，又有啲柔焦，簡直快靚正！