TOM FORD BEAUTY 好用推薦產品

🌸好用推薦：呢一個眼影膏，我覺得完全可以稱之為「懶人恩物」。一盒細細盒咁樣，非常方便攜帶。 分開上下兩層，上面嗰層係粉狀嘅眼影，同埋有塊細嘅嘅鏡。而下面嗰層就係膏狀嘅眼影。我買呢個係03 golden peach，上層係細閃嘅金色粉狀眼影，下層係蜜桃色嘅膏狀眼影。我知所以話佢係懶人恩物，因為可以完全唔需要用化妝掃上妝，尤其是係趕時間要出門嘅時候，用呢個非常之方便。 以下呢個係手背試色： 左邊係上層嘅金色粉狀眼影，而右邊嗰個就係蜜桃色嘅眼影膏。兩隻顏色都係粉嫩粉嫩嘅，充滿着青春同埋春夏嘅氣息。  可以直接用手指沾染眼影膏上妝，膏狀眼影非常之容易推開，好容易上色，可以去極短時間之內完成一個眼妝，而且睇落去唔會覺得眼皮浮腫。 佢嘅膏狀眼影可以唔使預先搽打底就直接上，對於眼部皮膚偏乾嘅姊妹們非常友好。 呢隻眼影都算妝效持久嘅，即使夏天用都唔會甩色。除咗價錢係一如既往地偏貴之外，基本上使用感都係一流嘅。

katrina523好用推薦：我簡左golden peach color 個色好溫柔 好岩化少女妝 Cream eye shadow 好幼滑、易blend 上面的閃粉好細，唔會好誇張， Tom Ford 把這兩個色的配搭做得超match 一齊用，真是太完美了

Kitty 好用推薦：呢盤TF12 seductive rose 係我收嘅人生第一盤紫色調眼影，亦都係我一腳伸落紫色坑嘅罪魁禍首！好耐冇用，今日再畫返，嘩，果種熟悉嘅陷入熱戀感覺即刻返晒嚟。佢嘅調子好冷，畫起上嚟真係唔使過腦，唔似其他眼影要諗爆頭點畫先啱自己，求其啪啪聲疊啲閃片上眼就得啦，實冇死！ 眼影盤入面嘅靈魂主色係隻帶灰調嘅紫色，做眼線色啱晒，入面仲夾咗啲紅調㗎，所以有啲姊妹話上眼會有啲似瘀咗嘅感覺。我用佢嚟畫眼線或者整啲小煙熏，控制好份量就冇問題㗎喇。上完呢隻主色，另外果兩隻大閃片色你就可以放心亂疊啦，點疊都靚！我自己通常就疊果隻紫閃，相機影出嚟灰調睇落重手咗，但實物上眼真係好靚㗎！成隻色好似沾咗夜露嘅紫桔梗，有種幽幽嘅光澤，正到痺！其實我本身唔係好食得啲灰調嘅，但呢盤嘅調色好神奇，可以等我自己控制灰調嘅輕重，再加埋兩隻咁鬼靈氣嘅閃片，成個妝效就一啲都唔會覺得沉悶或者污糟。不過講真，呢盤眼影畢竟都係老前輩喇，佢隻打底色飛粉飛得幾犀利，眼線色都有啲難暈染。有興趣試吓呢種灰紫調嘅姊妹，其實可以拎 Tom Ford 30 號盤，skip左粉紅色果格嚟試下，除咗閃片唔同之外，出嚟個效果真係差唔多㗎！當然啦，

🌸好用推薦：Tom ford嘅眼影好出名，多年來都受到唔少美妝博主嘅吹捧，我自己用咗之後都覺得非常好用。由於佢可以選擇嘅顏色相當多，今次我只係介紹返我平時最常用嘅兩盤。 第一盤係 35 Rose Topaz，我買嘅係粉紅色特別版，同普通版冇分別，只係個包裝唔同咗。呢一盤我稱之為杏仁奶茶盤，色調方面比較清淡自然，係玫瑰晶石色、深巧克力色同兩隻深淺同嘅金色，極度顯色貼服。 呢個就係手背嘅試色圖，對應返眼影盤嘅四隻唔同顏色：上妝中方便簡單唔飛粉，rose topaz嘅呢四隻顏色比較日常，平時返學或者返工用都睇落自然。 另一隻我比較推介嘅顏色係30 insolent rose，色澤粉嫩，好有仙氣😍 色調方面係粉嫩得來帶點優雅，睇落好有氣質，畀人一種溫柔嘅感覺。 以下係手背試妝： 左上角嘅珍珠白色搽少少就已經好顯色，右下角嘅紫啡色雖然深色，但上妝之後完全唔會有似撞瘀咗嘅感覺，粉質細膩，容易暈染。妝效持久唔甩色，飽和度高，容易上妝。特別喜歡佢個粉紅色細閃，喺燈光照耀下，有楚楚動人嘅感覺🥰