THREE 好用推薦產品

Cc2016好用推薦：喺sogo買潔膚油套裝送的洗面泡泡，用佢黎洗完面感覺幾舒服，唔會乾燥，溫和唔會敏感，遲啲有需要會考慮回購正裝

mandy好用推薦：Three Balancing Cleansing Foam R  平衡洗顏慕絲R $350/ 150ml 功效: 潔淨肌膚、保濕、提亮 含苦橙、柑橘調及天竺葵精油, 是令人舒適、放鬆又醒神的香味, 也是每朝早上都可喚醒大腦的幸福香味。 然而香味比較個人, 要是不喜歡精油的香味, 那three就不適合您了。 是一按即出泡沫的潔面產品, 非常方便, 適合早上趕出門的人使用。 泡沫比較水潤軟身, 不是那種很企身的泡泡。 可以潔淨毛孔髒及殘餘彩妝, 而且保濕力不錯, 不引致乾燥。 使用後, 肌膚更潔淨亮白, 嫩滑細緻, 彈潤, 富透明感, 而且可以幫助維持水油平衡, 減少出油。 如果想試Three的產品, 最佳入手時間為thankful week。 含保濕成分: 雙甘油, 醣基海藻糖, 戊二醇, 茶葉萃取, 茶籽油, 荷荷巴油, 橄欖油, 甘油 及 丁二醇 抗衰老成分: 茶葉萃取, 茶花萃取, 荷荷巴油, 橄欖油 及 甘油 抗氧化成分: 茶葉萃取, 茶花萃取, 荷荷巴油, 橄欖油 及 檸檬酸鈉 鎮靜消炎成分: 茶葉萃取 及 茶花萃取 油性滋潤成分

Cheung2好用推薦：上次用完three卸妝油之後，回購就試埋支洗面，點知真係有驚喜🤭🤭🤭 唔再係18/22，對洗面產品要求除咗乾淨之外，最重要就係洗完塊面唔會乾燥繃緊😶‍🌫️ 呢支three jelly wash乾淨得來又唔乾，仲有輕微磨砂粒粒可以去角質，早晚用都夠潔淨力💯💯💯 回購指數: ⭐️⭐️⭐️⭐️⭐️(5/5) 年度愛用洗面💯💯💯

Lumi Kwan好用推薦：都係日本旅行嘅時候買，有聽聞過佢嘅洗面皂都幾好用，所以買咗嚟試吓。不過相對起洗面膏，成構造比較容易溶化，所以感覺上好唔抵，通常都係一邊沖涼一邊用，所以熱水好容易溶咗一大半，但整體上效果唔差，用完幾清爽乾淨，而且唔會太乾。

Tsyyy好用推薦：洗完超舒服而且完全不緊繃 肌膚也很保濕 只是太貴了 同價錢會揀Cdp 的洗面啦

natanatalie好用推薦：作為油肌，夏天揀潔面最怕洗完又乾又繃。THREE呢支潔面啫喱用落感覺幾舒服，走溫和路線，多過追求強力清潔。 佢係清爽啫喱質地，加水後幾乎冇乜泡，初初用會覺得有啲唔慣。不過上面好順滑，按摩時幾舒服，朝早用特別清爽。 潔淨力比想像中好，日常油脂、汗水同防曬都可以洗乾淨。洗完塊面乾淨透氣，但唔會有「洗到鞋晒」嘅感覺，皮膚仲保留到少少柔軟感。 夏天用最欣賞係唔繃緊，就算早晚用都唔覺得刺激。對油肌嚟講，呢種清爽得嚟唔過度清潔嘅感覺幾討好。 以HK$320有100g嚟講，價錢的確偏貴，性價比唔算特別高。不過如果重視溫和度同使用感，呢支都係一款幾適合夏天嘅潔面產品。

lonia好用推薦：試用呢款THREE平衡淨透萃本潔面啫喱，好處係係無需搓至起泡，方便使用。佢有柑橘草本香味，整個潔面過程聞落好舒服。佢有微量磨砂微粒，潔面同時可以做到去角質功效，洗完面感覺清爽。 （備註：可能本人近期皮膚狀況較為敏感，使用之後臉頰及T字位出現泛紅情況。使用舒敏化妝水及面霜後，泛紅於1-2小時慢慢減退。） #火熱新品

Jcxjessie好用推薦：呢個cleansing foam一擠出黎就好大浸精油嘅味道，聞落都幾香，不過味道呢啲嘢真係每個人都唔同，所以買之前記得去聞下先 唧出嚟係白色一粒豆咁樣，都幾多泡，清潔能力都唔錯，用完塊面都冇好乾嘅感覺 

Tsyyy好用推薦：三角形好有設計感😂 有精油味我就接受到 大家去試聞再決定 泡不算好多但好細緻 清潔力好而且唔會太乾

黯然仙人掌好用推薦：味道係好香嘅柑橘精油味，清潔力中上，粉底都可以洗得乾淨，唯一問題係好燻眼睛，不可以落眼妝，會好辣眼睛。對於貪方便嘅我不太合適

Creamy好用推薦：三角型包裝好討好，但是冬天用完塊面會好乾，要即時用洗臉產品，洗完再擦上cream先夠保濕。 夏天用都可以，但是冬天唔建議用。