Vaseline 好用推薦產品

劉肥貓好用推薦：回購多次嘅潤膚露 幾十蚊大大罐好抵用 佢好容易推開 吸收快 只需用少少份量就足夠查全身

格仔餅公主好用推薦：實在性價比太高啦，完全唔使慳住用，一年四季都啱用唔會笠，不過搽爆裂既傷口位會有少少痛

Julianna好用推薦：我最近試咗Vaseline嘅這款淡斑精華乳，整體感覺都幾好。質地夠水潤，上落去皮膚唔會覺得油膩，吸收得好快。而且香味都幾清新，唔會令人覺得刺鼻。 不過，講到效果，我覺得只係有輕微改善，對於淡斑方面未見到明顯嘅效果。用咗一段時間後，皮膚感覺有少少滋潤，但對於我嘅色斑問題，可能仲要再用其他產品輔助一下。總體來講，性價比唔算高，但偶爾用來保濕都可以。

Chloeincosme好用推薦：一開始係泰國買，用完又幾鍾意就係香港繼續回購。 保濕效果唔錯，長期用黎我覺得皮膚真的白左少少（當然唔會話好顯眼）！ 不過佢搽完會有層野係皮膚，但可以好快吸收到，但呢樣野未必個個鍾意，呢樣要留意☺️

poonpoon好用推薦：Vaseline潤膚產品平靚正，依款係可以有埋護甲效果嘅潤手霜。質地小小稀，滋潤度一般，用落未見有任何護甲效果，又唔會黐立立吸收得幾快，中規中矩。對於經常煮飯嘅我嚟講保濕度不足。勝在洗完手查一查滋潤吓，粗用平價，冇咩所謂🤗

Kelvin好用推薦：佢有大枝裝，我依支係細支裝、放喺車細細支好方便🚗一樣都係好平唔貴 質地係流質護手霜，一啲都唔笠，吸收快。洗完手或者用完消毒酒精，隻手好乾嘅時候就會攞嚟茶，依隻款有埋護甲功效，雖然我就睇唔到護甲成效，但保濕效果就幾好，而且味道幾好聞。 如果唔鍾意膏狀護手霜嘅就啱用🤭

A&R好用推薦：Vaseline 呢款薰衣草潤膚露都用過，薰衣草味道好香，好舒緩，好吸收，查完唔會黐立立，普通嘅滋潤都足夠，沖完涼搽最好。

Kpl6be6好用推薦：感覺係人工香精味～唔係令人舒緩嘅天然花香～滋潤度不過不失～但未必再買～

TinaWongLK好用推薦：唇部護理： 我會稱佢為一款性價比高嘅潤唇膏 $20左右就有一罐 而且一罐可以用好耐 呢款Vaseline - 蘆薈味 搽上嘴好保濕，比起普通藍色款水潤得嚟唔立 用落好舒服 味道：有少許蘆薈味 膏體：白色 質地：水潤保濕 我通常會瞓覺前同埋化妝前會用到佢 推介俾大家 #火熱新品

劉肥貓好用推薦：佢嘅質地唔會好 傑身 好容易推 但佢嘅缺點係要用棉花棒或 唇 掃 搽上咀 比較麻煩 但價錢平 20克20幾蚊

A&R好用推薦：Vaseline 呢款防曬潤膚露適合平時用，着短褲着短裙嘅時候搽對腳就最好，查完之後令皮膚膚色健康啲，又可以防曬防紫外線，唔會好乾燥，又唔會黐粒粒。

Milo101好用推薦：有防曬系數的潤膚霜，價格相宜，可以大範圍塗在腳部，性價比算是不錯

東區蘇牙琳好用推薦：大罌好襟用，冇乜香味，好滋潤，可以用晒全身包括面，面部用咗一排係冇咁紅，老公剃完鬚都會搽，唔會起粒粒或泛紅，黏笠感好快會冇，適合幾乾燥嘅皮膚。

iliya 好用推薦：呢款潤膚霜比一般Vaseline嘅潤膚霜更滋潤，但係唔係油膩果種，皮膚都好快吸收～

羅小白好用推薦：基本上係一到夏天就會不停用嘅body lotion，我諗應該都回購三四次，雖然佢嘅效果唔係特別明顯，用咗一排係感覺自己皮膚有少少透亮，滋潤度都OK，但冬天用就應該唔夠，夏天用就啱啱好，如果想買一支又平，但都有啲效果嘅body lotion，呢支係唔錯嘅選擇，叫做性價比高，但真係想美白嘅話就要買其他功效比較強嘅body lotion 

貓餅好用推薦：保濕力不錯，頗為水潤的潤膚露，但塗了一段時間，皮膚沒有亮一階