LANCÔME 用家評價

呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

🌸 Lancôme溫和保濕水真實測評 | 貴價保濕水值唔值得入手？ 一直聽講Lancôme嘅保濕產品好出名，見呢支溫和保濕水聲稱適合所有膚質，連敏感肌都用得，忍唔住買嚟試下效果係咪真係咁厲害！ 淡粉色樽身高貴優雅，倒出嚟係透明略帶稠度嘅質地 質地有少少稠身，但推開後瞬間化水，吸收速度好快。有陣好優雅嘅淡花香，唔會太濃烈，用落好療癒。 即時感受：拍上臉個刻已經覺得好滋潤，皮膚好似飲飽水咁，充滿光澤感。 持久度：試過淨係用呢支水，冷氣房都可以維持到兩個鐘唔繃緊，保濕力真係唔錯！ 連續用咗三個星期後發現： · 皮膚穩定性提高，冇再輕易敏感 · 乾燥引起嘅細紋明顯減淡 · 上妝更加貼服，冇再起皮 · 膚色睇落更加明亮 優點總結： ✅ 保濕力強勁，持久度夠 ✅ 質地舒服，吸收快唔黏膩 ✅ 溫和不刺激，敏感肌都適合 ✅ 用後肌膚光澤感提升 缺點提醒： ❌ 價格偏貴，性價比未必最高 ❌ 香味可能唔係個個都鍾意 ❌ 夏天對油性肌膚可能比較潤

Lancome呢枝粉底液終於就黎用晒，新版已入手，今次講住舊版先！ 色號：b-01, 適合黃一白！ 沙漠乾肌既我對粉底要求好高：要少少控油但唔好太乾，要持妝但唔可以太重粉感。 呢枝主打油肌/ 混油肌，但我用起黎又好中意😍 佢質地輕薄水潤，上臉好容易拍開，非常貼服！即使再加定妝都稱得上妝感輕薄自然。 ♥️持久度： 9/10，12 小時冇問題，鼻翼兩側會甩（正常）。 ♥️控油度：7/10，香港天氣都足夠 ♥️保濕度：6/10，妝前做好保濕就可以！（呢枝粉底要用非油類保濕！用太油既妝前會一撻撻） ♥️遮瑕度：6/10， 提亮及均勻膚色為主，暗瘡印/ 雀斑等瑕疵都要另外靠遮瑕！ ♥️暗沉：超輕微，約0.5-1度（下面有相） ♥️浮粉：除鼻翼較易敏感位置外不太浮粉 暗沉情況大概係咁： 右邊係5分鐘前，左邊係新滴，色號會暗0.5-1 度，暗沉完之後右邊隻色會keep到成日！所以如果想再白粉少少比「走盞位」佢暗0.5-1 度，可以買白少少。 總括而言，我係好鍾意舊版，知佢停產果時嚇到心都離一離，好彩冇耐又出左新版😂 呢排開左枝新版用，用後感同舊感有少少唔一樣！會係另一篇講♥️

產品是半透明乳液狀、非常好推易吸收的質地。用了幾個月，最有感是可以改善上眼皮鬆弛的問題。因為自己是雙眼皮有時甚至三眼皮，如果上眼皮稍有鬆弛，會立刻疲態盡現和極顯老，用了這支可以大大改善這個問題。 專利360度彈力冰珠也是十分有用，除了使用時有冰感好舒服外，水滴型加圓珠設計，可以觸及到深淺眼窩的位置，而且中間有軟膠提供彈性，所以用起上黎個力度會剛剛好，不自覺地會來回按摩幾次，當然也有助產品吸收及功效發揮。用冰珠按附近的太陽穴位，更會覺得好到位，增強眼部附近的血液循環。 比較可惜的是就個人來說，黑眼圈和眼紋情況仍然相若，未有明顯改善。當然都明白這兩個問題都比較難改善，能隨著年紀增長繼續維持現狀，尚算可以。所以總結因為產品改善浮腫鬆弛的功效明顯，都給了一個好評。 （之前在品牌專門店有買貨裝送貨裝優惠，送的是旅行裝湊合成貨裝的份量，其實也不錯，每支都配有專利冰珠捧，也更衛生和方便去旅行用）

#夏季必備保養 之前擦的爽肤水比较闷痘，于是火速换了质地清爽的Lancôme 净澈亮肌精华水。 虽然是水状透明液体，但是‌它采用了 3%油+97%水的配比，仔细看可以看到瓶壁挂着的小小油脂粒。‌ 先上一张刚洗完脸的素颜图，本人是混合皮，T区较油，最近额头还爆痘。   ‌使用极光水时，‌需摇晃均匀，‌将油分打碎成小液滴后，‌再涂抹于脸部‌。通常我不用化妆棉蘸取，而是直接用手拍匀。不同于单纯的精华水，少量油分的存在使这款水模拟天然皮脂膜，‌能更好地调节水油平衡。 先上手看一下效果，微微反光，保湿效果很好：  再上脸看一下效果，即使擦完后也不会像蒸发了一样使皮肤迅速变干，保湿与滋润的效果尚可，不会闷痘。   ‌坚持一段时间使用后，原本的痘印有所减淡，‌鼻翼两侧的毛孔角栓也少了一些。夏季来说这款产品会比较合适，长期坚持能够提升皮肤的透明感和光泽度。‌但是秋冬季节的话，需要滋润度更高的产品。

購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

Lancôme 極光水用後感 講到提升肌膚透明感，Lancôme 呢支極光水（淨澈亮肌精華水）係近期算係有驚喜嘅一款。 佢係「水+油」嘅雙層設計，用之前一定要搖勻，變成淺藍色乳白色先倒出嚟。質地係清爽水狀，上面後塊面即時有種飲飽水嘅感覺，吸收快過你講「唔該」。 我用咗大概三個星期，最明顯嘅效果係：肌膚透明感明顯提升。之前鼻翼兩側同額頭望落有少少暗粒同粗糙感，搞到反光唔均勻。但用完一段時間，皮膚表面變得平滑咗，光線可以好平均咁反射，望落乾淨、透亮、有種「由內而外透出嚟嘅透明感」。 特別係朝早洗完面後照鏡，會覺得塊面好似多咗層好薄好薄嘅光澤，唔係油光，而係清澈、水潤嗰種通透感。就算未化妝，面頰蘋果位都已經有自然光澤。 不過要留意，佢入面有果酸同水楊酸成分，對角質代謝有幫助，但如果皮膚偏敏感或者乾到脫皮，初期要隔日用好啲，建立耐受力。我只能講，對於混合肌、少少暗黃想提升肌膚透明感嘅話，呢支極光水係好值得入。 評分（五星滿分）： · 提升透明感：⭐⭐⭐⭐半 · 撫平粗糙/暗粒：⭐⭐⭐⭐ · 清爽度：⭐⭐⭐⭐ · 溫和度：⭐⭐⭐（敏感肌要試下先） 總結：唔係淨係保濕咁簡單，而係真正

本人係混合油肌，呢個年紀最怕護膚品太滋潤導致T字位容易出暗瘡，但單純補濕又不足以保持皮膚狀態。Lancôme煥活修護精華最令我驚喜嘅係迅速滲透嘅清爽質地，搽喺容易出油的嘅T字位都完全冇黏笠感。搽完之後肌膚有即時飲飽水嘅透亮感。 用咗一段時間，皮膚穩定性得到明顯改善。以前臉頰偶爾會出現容易泛紅、脫皮嘅情況，而家皮膚屏障變得更強韌，肌底力得到改善，膚質感覺細緻、平滑咗好多。 對於三十幾歲開始出現嘅皮膚疲態同暗啞，呢款精華能有效提升皮膚整體嘅剔透感，而且後續上妝亦更為貼服。雖然佢嘅價錢真係唔算平，但佢高修復嘅效能，的確係輕熟肌女生值得考慮入手嘅一支精華。

Lancôme小黑瓶真係我回購咗好多次嘅精華！質地好輕盈，似水狀但又有少少滑捋捋，一抹就吸收晒，完全唔黏笠。我最鍾意佢用完之後皮膚好穩定，就算轉季或者捱夜，都冇咁易出粒粒或者泛紅。用咗一排，明顯覺得皮膚細緻咗，毛孔望落細咗，上妝都貼服好多。佢仲可以幫助後續護膚品吸收，我通常喺佢之後再搽保濕霜，效果更加好。雖然價錢唔平，但皮膚狀態好咗，值回票價。總括嚟講，如果想搵一支全能精華，穩定、修復、細緻皮膚，呢支真心推介！

LANCOME Advanced Genifique Youth Activating Mask 升級版嫩肌活膚精華面膜 功效：深層保濕+提亮+抗皺 1片升級版嫩肌活膚精華面膜=1瓶30ml 小黑瓶精華！ 面膜大小跟我我面型相若，剛剛好敷到全面。面膜是凝膠狀，設計立體，能夠緊貼面部肌膚，不會敷面膜時突然掉下來。升級版嫩肌活膚精華面膜可以稱之為急救面膜，精華量充足，保濕力極佳，使用感水潤舒適，令人心情放鬆。 升級版嫩肌活膚精華面膜蘊含不少美肌成分，例如：保濕成分、鎮靜消炎成分、抗衰老成分及抗氧化等成分。 使用面膜後，肌膚得到深層保濕，但又不會好笠，肌膚即時像飲飽水般水潤飽滿透亮，毛孔亦即時變小，肌膚像是會發亮一樣。敷面膜後，膚況變得很穩定，連面上的泛紅都消失了。皺紋方面，法令紋也比較不明顯。 升級版嫩肌活膚精華面膜是功效很好的急救面膜，大家不妨在重要的日子前敷升級版嫩肌活膚精華面膜，敷了即時變靚。 含保濕成分：丁二醇, 比菲德氏菌, 甘油, 甲基醚二甲基矽烷, 聚乙二醇-20, 乳酸菌, 酵母萃取, 麥芽糖糊精, 甘露糖, 戊二醇 及 α-葡低聚糖 鎮靜消炎成分：比菲德

LANCOME ABSOLUE LONGEVITY THE SOFT CREAM 菁純臻顏面霜 $1590/ 30ml; $2890/ 60ml; $2415/ 60ml refill 功效：緊緻 + 令肌膚更飽滿 + 淡化細紋 喜歡菁純臻顏面霜的質地非常柔滑水潤，滋潤度剛剛好，一塗抹在面上就融入肌膚，使用感潤而不油不笠，延展性很好，可輕易在全面均勻推開，有效鎖緊面上的養分及水分。 同系列的菁純臻顏奢護面霜會比菁純臻顏面霜更滋潤，比較適合乾性肌使用，而菁純臻顏面霜則比較適合油性肌及混合肌使用。 使用後，肌膚更水潤緊緻飽滿，毛孔及法令紋都變得不明顯。 新版的菁純臻顏面霜更是添加了PDRN(舊版並沒有的)，而PDRN是多功能成分，可修復受損肌膚、減淡細紋及抗衰老、舒緩泛紅肌膚、深層保濕及提亮。除了PDRN，新版的菁純臻顏面霜亦添加不少美肌成分，其中以保濕成分、抗衰老成分、鎮靜消炎成分及抗氧化等成分為主。 含保濕成分：甘油, 矽靈, 丁二醇, 白芒花籽油, 維生素原B5, 羟丙基四氢吡喃醇, 精氨酸, 辛乙二醇, 丙二醇 及 水楊酸 抗衰老成分：甘油, 白芒花籽油, 羟丙基四氢吡喃

Lancome發光眼霜主要嘅功能係撫平眼紋，佢個質地好似啲輕盈嘅gel咁，乳白色有啲水潤，勁易推開。搽少少就夠搽晒成個眼周，朝早起身用都唔會覺得油淋淋。氣味係淡淡嘅清香味，都幾好聞👀 平時搽眼霜，最怕都係過油，黏住對眼，但係lancome 呢隻完全冇呢個問題。我用咗兩三罐，眼肚啲細紋好似淡咗少少咁，主要係夠滋潤眼周。佢係俾我感覺上較為着重保濕，適合二十幾至三十中嘅人士。佢唔會誇張到可以去眼紋，但如果你淨係小小輕微眼紋黑眼圈純粹乾燥，就比較適合了。

夏天到.. 防曬梗係少不了啦 分享吓最近大愛嘅一支防曬😍 全方位防禦抗曬清爽乳霜 SPF 50 / PA ++++ 官方賣點⭐️ 全方位防禦抗曬清爽乳霜是一款抵禦各種日常傷害的全能防曬霜：UVA、UVB、XL UVA、污染及氧化壓力 • 高效紫外線防護SPF 50 PA++++ • 抵禦外在環境的傷害 • 輕盈質感—自然亮澤效果 • 為肌膚提供達4小時保濕 🧏🏻‍♀️🧏🏻‍♀️ 喱款防曬我每日朝早都會用.. 💡防曬系數SPF 50 PA++++ 只要唔長期戶外工作.. 喱個防曬系數已經好足夠 💡 透亮肌膚 上臉塗勻已經有明顯嘅透亮感.. 底層毋須再提亮膚色.. 用primer調一調色已經可以上粉底 💡 不搓泥 喱個係我特別睇重嘅地方.. 只要一搓泥.. 成個底妝就全軍覆沒.. 喱款我由春天用到而家.. 從未試過化妝搓泥💓 🧏🏻‍♀️如果日常番工.. 非常推介大家試下佢.. 🫶🏻留意留意：我手上喱支喺日本入手 我昨日想去專櫃補貨.. 先發現香港專櫃係無賣大支版.. 只有30ml

混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

一個妝化得好唔好.. 底妝絕對係重點之一.. 皆因一浮粉.. 就會毁曬全個妝😪 我自己揀粉底液…會睇幾個重點 -質地 -不易氧化 -帶遮瑕度 -有防曬功能 至於霧面.. 日韓風.. 歐美風.. 通通都係其次 LANCOME持妝輕透粉底液 喱一款我會俾8分 💡 輕薄貼服 質地好貼服.. 用美妝蛋輕拍薄薄一層已經上到妝.. 就算叠加遮瑕都無出現卡粉現象.. 色調非常自然兼帶柔焦效果 💡不易氧化 底妝最怕氧化後變咗黃面婆.. 喱一款完全無問題.. 新年期間朝7晚11都無變色泛油.. 吸油紙都慳番🤭 💡帶遮瑕度 我用Po-03.. 無特別去化白.. 如果少量瑕疵.. 例如雀斑同暗瘡印.. 叠加2-3層就完全遮到.. 只有黑眼圈要另外處理 💡有基本防曬功能 Spf38 pa+++ 雖然只係基本配置.. 但算唔錯.. 我買粉底液必睇防曬度數.. 因為防曬實在太易同底妝打交.. 搞到搓曬泥.. 所以喱項都算合格 🧏🏻‍♀️喱款粉底液嘅霧面效果都唔錯.. 所以我自己會俾8分 扣分位係防曬度數唔夠.. 如果上到spf50 會更加好💓 因為度數唔夠.. 如果需要進行室外活動記得