LANCÔME

淨澈亮肌精華水 (第二代極光水)

好多謝@cosme 和@LANCÔME 俾我今次試用Génifique 肌底煥活修護精華(逆時小黑瓶)同埋第二代淨澈亮肌精華水(第二代極光水)嘅機會！🙇‍♀️🫶🏻

因為今次試用嘅Génifique 逆時小黑瓶及第二代極光水係試用小包裝，所以comment唔到產品外觀設計，不過睇圖就係都一支黑色外表嘅精華，以及一支外表有啲透亮bling bling感覺嘅極光水，同第一代嘅設計差唔多。而份量方面，小黑瓶一支5ml嘅試用裝，啱啱好用到7日左右，極光水就係50ml試用裝，用完7日後仲有大半支剩。

我按照建議喺首星期重點使用逆時小黑瓶，而第二個星期同步使用極光水及逆時小黑瓶。

LANCÔME逆時小黑瓶呢款精華略帶黏稠嘅透明質地，好易被推開，而且滲透度頗高，肌膚好快就吸收咗，用完之後都唔會覺得笠痴痴，清爽得嚟滋潤度又恰到好處，一年四季都適合使用。逆時小黑瓶含有LANCÔME憑藉27年嘅修復科研研發出突破性修復「黑科技」稱為「免疫黃金」嘅Beta-Glucan-CM，能有助激活 「修復因子」Nrf2 ，促進肌膚修復，結合咗2大經典成份——Génifique標誌性嘅7種益生元、益生菌萃取物及全新加入純甘草根萃取。用完7日後肌膚明顯好似飲飽水咁飽滿平滑，保濕鎖水能力高，而且膚色均勻咗好多，有修護舒緩嘅功效，泛紅敏感嘅問題bye bye 無再出現過！

而極光水係水油混合嘅精華，每次使用前需輕輕shake吓搖勻，高效雙層配方，蘊含更高濃度嘅法國山毛櫸嫩芽萃取及四種專業煥膚酸，加速肌膚更新，成就四重淨澈煥膚效能，感覺比上一代更容易被皮膚吸收！

兩者配合一齊用效果更明顯，有助穩定肌膚狀態，抑制油光、泛油情況，減少皮脂分泌，達至水油平衡，令膚色更均勻，更透亮、嫩滑及提升光澤感。而毛孔都有見到收細，特別係近鼻翼嘅位置，效果更顯著。😍😍😍

至於皺紋啡斑方面，要更長時間觀察先知有冇撫平細紋及減淡色斑嘅功效！🙌🏻

重點係97%天然來源嘅溫和配方，零添加酒精(乙醇)及色素，並通過敏感及進行激光醫學美容後的肌膚測試，連我呢啲敏感性肌膚都啱用，保濕、舒緩、抗老一步到位，咁就可以毫無顧忌輕鬆養成即時水潤保濕美肌！❤️❤️❤️