LANCÔME 好用推薦產品

Kitty 好用推薦：呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

inkitsung好用推薦：以Lancôme咁多支粉底液嚟講，absolue 系列呢支最好用！ 佢好滑好滋潤，質地亦都透薄～ 就算化完成日妝，落妝個下你都係覺得自己皮膚好左，完全唔傷皮膚～

Tsyyy好用推薦：色號130 係自然調 圖係舊包裝 係一個好滿意嘅粉底 有一種自然光澤感 遮暇中上 又可以持久 不過疫情下點都要做好定妝 個效果係令人覺得天生皮膚好好 跟粉底會送一個掃 不過唔好用的

CandyLiYing好用推薦：這氣墊粉底03號適合我的膚色色調，明顯遮去手紋，上臉都有呼吸的感覺，霧面使我的臉油變得不太明顯

Tiffany好用推薦：Cushion來說持久，遮瑕度亦都不錯，妝感不會死白。補妝方便，可以一試。

Tiffany好用推薦：有齊極緻完美精華粉底的優點之餘，更貼妝，妝容看起來更精緻，可能是因為cushion粉撲上妝？

Kura好用推薦：呢款防曬達到調色嘅效果，搽上臉會令到皮膚有所提亮，同埋做好自然嘅效果，作為日常出街快靚正首選

choichoi好用推薦：控油效果理想，於夏天使用也不易泛油。質地水潤易推勻不會卡細紋，同時驚訝遮瑕的效果很理想～能夠把泛紅與痘疤蓋過連凹凸的毛孔也修飾 整體感覺很輕盈而且防曬系數高，日常很多場合都適合使用，簡單就能帶着理想膚質出門

stardustz好用推薦：平時都用韓國品牌的氣墊，蘭蔻這款還是我第一次使用非韓牌的氣墊。它挺有效地減少我臉頰的泛紅及提亮並均勻肌色。氣墊的保護濾網能確保每次粉底劑量適中，份量準確，遮瑕度可根據膚狀況慢慢疊層而不會有厚重感。另一個bonus則是粉底液SPF50 + / PA +++的高度防曬調。總體而言非常喜歡，只是對於乾肌而言,嫌它稍微不夠滋潤，建議上妝前做好足夠的保濕。

wingshan1124好用推薦：用落有淡淡玫瑰香味，遮瑕度都ok，搽完塊面有光澤感，不過我有時嫌沾太多塊面會好似好膠好膠咁，多數會溝d爽膚水先搽，感覺會均勻同薄d，整體很滿意！

keinice好用推薦：可以修飾毛孔， 營造皮膚很好的感覺，但遮瑕到不足， 而且持久度亦稍有遜色，夏天時2小時已經開始溶妝。 油性肌絕對不推薦，但毛孔粗大的人可以嘗試。

missp好用推薦：用落幾有光澤感，都夠保濕同滋潤，唔會起乾紋，都夠持久👍🏻 但略嫌厚左少少，搽完會feel 到塊面有啲野，我覺得唔夠貼🙈 可能用beauty blender上會好啲🤔

lucrezianoin好用推薦：經過免稅店見到特價所以購入, 普普通通嘅一個product. 妝感好精緻, 但係遮瑕力偏弱而且持久度不足, 唔使半日已經冇曬 -_- 呢個價錢有其他更好嘅選擇.