agnessstang好用推薦：呢半年讀書好忙成日通宵🌃 眼底開始出現細紋 間中化妝眼下會卡粉😰 所以就買咗FAB呢款eye cream嚟試👁️ so far用咗兩個半月左右 搽完好快吸收 唔會對眼周造成負擔 唔會有生油脂粒嘅問題 明顯見到細紋少咗 亦都冇再有眼下卡粉嘅問題 用咗一個月多啲開始有啲成分分離嘅問題(類似油狀啲同cream狀嘅分開咗咁) 所以用之前最好搖勻佢 同埋平放保存會比較好 少少貴但眼周保養係好值得+需要投資！ 呢款eye cream主要成分有維他命A醇膠囊同三重透明質酸 視黃醇有改善細紋嘅功效 使用A醇產品記得要搽防曬☀️！ 因為A醇會代謝角質細胞 刺激皮膚角質層更新同變薄 保護功能會略為減弱 所以要搽防曬加強對紫外線的防護 夜晚先用A醇產品會比較好