SOFINA Primavista 好用推薦產品

Kitty 好用推薦：前排去商場掃貨，見到Sofina Primavista「妝前打底」出咗新升級版！身為混油皮嘅我即刻心動，諗起舊版嗰支真係幫我捱過唔少「回南天」🥵 即刻科水買返支返屋企試，同大家分享吓試用感受先～ ✨包裝同質地✨ 樽身少女心即刻爆棚！質地同舊版差唔多，都係水潤嘅乳液狀，吸收速度幾快，唔會好似某啲控油產品咁「拮拮吓」，我敏感肌都頂得順～ ☀️上妝效果☀️ 最驚喜係佢個提亮效果！平時用開嘅控油妝前打底多數會令塊面灰白，但呢支薄薄搽一層已經有「偽素肌」嘅透亮感。試過單用佢再撲層碎粉，同事仲以為我打咗燈😂 遮毛孔方面都交到功課，鼻翼兩側啲凹凸位平滑咗好多～ 🔥持妝力實測🔥 重點嚟啦！琴日特登唔補妝去挑戰： - 8:00am：薄搢妝前打底＋氣墊粉底 - 12:00：食完lunch塊面得少少油光，用紙巾印一印即啞緻 - 3:00pm：開會焗足兩個鐘，額頭開始有少少笠，但無溶妝 - 7:00pm：放工跑住追巴士，返到屋企照鏡...嘩！T位油光明顯但粉底無斑駁，無出現「芝麻粒」真係感動到喊😭 ⚠️注意位⚠️ • 乾肌姊妹可能要加強保濕，試過皮膚狀態差時用會有少少「緊繃」 • 遮瑕度屬中等，大紅痘印

Sandy好用推薦：SOFINA Primavista 的完美昇華持妝底霜(Boost Primer for Foundation) 細細支 25ml方便攜帶 質地容易推開😃 作為底裝非常之透薄,顏色好自然👍 優點嘅防曬SP5 PA++ 塗底妝之前再用浸薄薄防曬 15分鐘內就搽曬粉底底妝眼裝就出到門 so easy 出門 而家朝頭早紫外線都好強 唔搽防曬 好容易出班點，同埋好容易曬黑

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

Chloeincosme好用推薦：呢排買左Sofina Primavista 持久控油調色底霜，唔知係咪因為買完用嘅時候皮膚狀況好差，用咗呢支底霜反而令皮膚睇落去更加差😂 我本身係乾皮膚，可能要等皮膚狀況好啲嘅時候再試真啲～ 🤍 調色效果：4/5 修正膚色能力唔錯，能均勻提亮 🤍質地： 2/5（對乾肌黎講） 偏流質既base，冇咩保濕力 🤍 控油力：4/5 明顯感受到控油效果，T位出油減少，但代價係雙頰更乾，甚至出現緊繃感～乾肌一定要做好保濕先用佢🥹 🤍 貼服度：2.5/5 （皮膚狀況差） 皮膚狀態差時使用，會卡皮屑同浮粉，妝感唔細緻，可能真係要皮膚穩定時先用得到～ 總結： Sofina呢支底霜似乎真係比較適合油肌或混合肌～乾肌同皮膚唔穩定時使用，反而會暴露更多問題～會等皮膚狀態好返再試，暫時唔會回購！建議乾肌朋友要一定要做足保濕打底先好用～ #火熱新品

Kmggigi好用推薦：Sofina Primavista 持久控油底霜 — 清爽控油界嘅神級好物，夏天必備！🔥 質地: 呢款底霜質地清爽，推開好滑好易 blend， 完全唔會有厚重感。 調色效果都幾好，色調接近膚色， 用完個底色會靚啲、均勻啲， 好似皮膚自然變咗好狀態。 效果: 佢最強嘅地方就係控油！ 有效減少出油、令底妝持久服貼一日。 混合肌、油肌、或者天氣熱到出汗嘅夏天， 都用得好舒服，唔會有溶妝既視感。 防曬係 bonus！一支搞掂兩樣嘢🤣 防曬指數高，可以直接當埋日常防曬使用， 真係一舉兩得。 懶人或者忙碌上班族會超鍾意， 少一步妝都即刻快咗好多。🤩 總結：輕盈、控油、調色、防曬，一支搞掂所有底妝前準備 Sofina Primavista 呢支真係夏天底妝救星，想底妝穩陣又唔出油嘅一定要試！✨

A&R好用推薦：Sofina Primavista持久控油粉底霜好啱夏天或者容易出油嘅肌膚用。 質地輕盈易推，搽上面好快融合，好似多咗一陣保護膜，唔會覺得厚重。最大特色係控油效果好明顯，上妝之後面仔保持清爽，T字位都冇咁快出油，妝感可以持久一整日。 朝早上妝，去到下午都仲keep到自然妝效，唔會溶妝或者甩粉。 遮瑕力都ok，令膚色均勻，仲有保濕成分，唔會因為控油而令皮膚乾燥。

Hchan好用推薦：之前用過平替Ange那枝底霜覺得效果十分好，Primavista這系列的持妝效果更有名，我趁優惠入手這款是明亮色的保濕底霜，另有裸色、紫色及綠色。 由於最近天氣反覆，我皮膚狀態很差又過敏泛紅，所以現時的妝容只上防曬、底霜及碎粉以減低皮膚負擔，我是混合偏油肌，以前用開控油底霜，的確有減少油光，但感覺強調控油所帶來的乾燥感會令經過整日的妝效更差更浮，這款有控油及保濕功能的底霜可令底妝較服貼，它的質地像精華乳般潤澤，容易推開，白色乳霜狀並帶有提亮效果，薄塗一層剛好可均勻膚色，後續再上一層透明碎粉，整體看上去輕薄又帶點透明感。 皮膚狀況好一點時有嘗試過後續上氣墊粉餅及碎粉，持妝度不錯，經過一整日會有少量油光但印走油份後都不太影響妝效，本身更有防曬SPF20．PA++，喜愛裸妝感的人可以單擦提氣色，有上底妝習慣的人先擦它則可提高持妝度，推薦！

Sccan好用推薦：質地：粉紅奶油霜狀，易推開 香味：淡香 效果：有微閃粉，輕微調色蠟黃的臉色，有水感皮膚有微光澤 用後感： 一直用開Sofia primavista 控油底霜， 而佢出的保濕底霜從來都未試過，隨著年紀大，皮膚乾得黎又油，所以試下用保濕底霜。效果不錯， 無油膩感，唔會泛油光，想偽素顏只用依隻都可以營造皮膚紅潤又水的感覺。

Bubu好用推薦：Primavista 5合1底霜幾方便，平時返工趕時間搽一搽就可以提亮膚色，加上質地都易推，唔會搞到一撻撻，缺點係遮瑕力較差，比較適合面上較小瑕疵既人使用～

Akassoo好用推薦：最近想試多啲唔同類型嘅底妝，SOFINA Primavista呢隻5合1完美遮蓋底霜主打高度遮瑕同埋一支可以取代防曬、妝前同蜜粉等等，作為懶人嘅我當然就想試吓佢。 我今次揀咗隻2號色，而呢隻2號色係非常之貼近我膚色，所以做唔到提亮嘅效果，但就變到好自然，上臉嘅效果就係減少咗泛紅同埋有少少遮瑕度。但因為2號色實在太貼近我膚色，所以自然到似偽素顏。而我覺得佢遮瑕度並唔係好高，亦遮唔到雀斑嗰啲瑕疵。 如果之後再買嘅話我可能會轉買1號色，睇吓佢嘅提亮效果會唔會更加好。 #底妝升級好物

iliya 好用推薦：呢款底霜嘅控油能力超超超超強！！！就算夏天悶熱嘅時間都唔會滿面油光，特別係T字部位都可以keep住好乾爽🙌🏻

choichoi好用推薦：控油效果非常優秀，帶點點滋潤感但不油，不會令我長粉刺也控制了不少額頭出油的情況從而令妝客更貼服和持久 #火熱新品

Desse好用推薦：Sofina嘅prima 一直都係平靚正之選💡 舊版起碼用咗3支以上🧏🏻‍♀️ 過年出去拜年.. 由朝玩到晚. 想keep住個妝全日靚靚..持久嘅底霜好重要！ Primavista 持久控油底霜 （紫色） 💡有助提亮膚色 亞洲女性皮膚一般都比較偏黃.. 特別係好似我喱種經常唔夠瞓嘅.. 眼圈特別深色.. 就好需要用提亮膚色嘅產品令自己睇落精神啲🧏🏻‍♀️ 喱款primer一捈提亮💓 質地易推.. 唔會搞到一撻撻💡 💡防曬度數spf 50 pa+++ 懶人就最鐘意all in one🫢 當防曬同妝前底霜變咗同一支 就可以減少搓泥機會！ 50度基本上夠日常出入用💓 💡質地好推，不泛油 舊版曾經有個問題…. 就係好易出油🥲 新版改良咗喱個問題. 好用咗好多🧏🏻‍♀️ 💡防水防捽 過年流流病咗… 係咁抺鼻.. 咁啱就發現… 個妝無咩點甩🧏🏻‍♀️ 🌟 唯一要提.. 係綠色支prima.. 只可以局部泛紅位置用 朋友全臉搽… 就搞到個妝有點怪🤫

lonia好用推薦：SOFINA Primavista primer係品牌嘅皇牌產品之一，呢個系列有四隻色嘅primer可以選擇（橘、紫、綠、藍）。自問係化妝新手，所以都係用返Beige色號，最穩打穩扎。 橘色primer其實已經做到一定程度嘅遮瑕、均勻膚色同修飾毛孔，搽咗上面即時提亮咗膚色，連帶一啲小暗瘡都可以遮蓋到。呢款primer防曬系數係SPF50 PA+++，一般日常活動已經足以應付，做到調色防曬二合一功能，唔需要額外再搽防曬。 呢款primer嘅質地，以防曬產品嚟講唔算油笠，搽完再上粉底令個妝嘅持妝度好咗，值得入手一支。

takemyokane好用推薦：已經回購超過五次，一直沒有遇到控油能力比它更好的底妝！基本上一年四季也是靠這一支作為基礎去保護妝容不易脫妝，即使是炎夏也一樣保持妝容完美，特別是現在戴口罩，塗上它都不會再有印妝在口罩的情況。質地透薄易推開，不太有遮瑕效果，但基本上都當做打底用途，所以遮瑕度不是重點。 試過與各種粉底、cushion等配合也可以互相融合，沒有卡粉等情況。價錢作為開架化妝品性價比極高，以後也會繼續回購。

Meric好用推薦：這個是我不停補購的底霜，雖然它最強的特點是控油，但對乾性皮膚的我也沒有乾的感覺，最主要是它真的很防汗，夏天出門都不怕脫妝～

So Fun好用推薦：這個底霜已用了很多年，以前不懂化妝的時候，永遠都係用呢隻做打底，再加眼影，眼睫毛或者眉粉。 現在學了簡單化妝後，就比較少用了，因為皮膚可能因為年紀增長而比較乾，感覺這個沒有以前那麼適合自己 基本調色是做得不錯的，只是對於我現在來說太乾，或者需要在使用之前使用較滋潤的潤膚才可以，相對其他的控油做得不錯，所以對於皮膚比較油的女士應該唔錯，總括來說這個產品的價錢性價比都算幾好，年輕女士或者面油比較多的人用都不錯

Ronni好用推薦：Sofina 呢支Base係我一直會囤貨嘅item! 以前一直唔覺有咩特別～ 但上妝時間一長就好覺分別！ 佢好貼而且令到個妝last好耐！ 囤貨！ 佢係流質，每次只需要好少～ 已經好夠！仲有一樣嘢！ 就係佢有令毛孔睇落細咗嘅效果！ 左👈🏽係未上妝嘅皮膚 右👉🏽係輕輕一層嘅效果 毛孔真係睇落細咗！唔好以為少少就覺得無咩特別！ 呢少少會令成個妝睇落細緻好多！